自尊心低人揮手區

有冇人係好在意人地對自己既睇法 會因為人地一句說話面反覆左諗右諗 因為對自己唔認識 好想透過人地既說話、對自己既評論判斷自己係一個咩人
對於負面既評價會好敏感 人地話係一句 就會歸究哂係自己錯度 係自己做得唔夠好先會搞成甘 因為甘樣而否定自己 質疑自己
有咩都唔敢講 有咩都收收埋埋 永遠都以人地既諗法為大前題 就哂人
其實內心好需要安全感 好需要有人認同肯定 但係個個就會以為你細路女接受唔起批評 但根本係家庭的環境塑造成一個自尊心低既人 我地同樣需要被愛

On9

你唔明白

你成熟少少就知呢d 野唔洗太認真吓話

你明唔明唔關成唔成熟事 係自卑心作怪

以為係自己開po

冇自信

一模一樣

其實佢講既野亦唔係錯哂
自卑感重既人，如果可以得到適當既協助
心態想法上得到改善
的確係唔會對呢啲野太過上心

但佢錯既係
講到呢種”不成熟”係自己主動要求咁
講到好似打機配點一樣，課金就立即變到成熟一樣

其實講緊係20幾年既環境經歷教育
如果我可以用 2年改變到你20年既固有想法
我都已經係一個唔錯既輔導員
更加唔好講宜家既你亦未必有一個人可以輔導到你

所以唔應該咁樣將責任加係你身上

我做你朋友

自尊太高點睇？分D比你

建議你睇被討論的勇氣

討厭*

雖然同你只係傾過一次計
未算真係好熟
但如果你願意既話
我都可以做你朋友陪你傾計

唔係話為左得到啲乜
而係想俾你知道呢個世界仲有好人
唔好放棄身邊既朋友

我想講自尊心低同唔成熟係兩件事 自尊心低係環境所造成 你屋企既管教模式導致你係一個自尊心較低既人 係一個被動關係 有邊個想自尊心低
係華人社會普遍華人自尊心係比外國人低 係因為佢地自覺不及外國人 唔通華人就係唔成熟咩 咪再覺得上心係一種唔成熟行為手

可唔可以打返啱個「咁」字？

你既外國人係指咩? 印巴?中東? 拉丁美洲? 黑人? 定淨係指歐洲白人only?
我只係覺得有時人與人既野係相對, 雖然你決定唔到自己係咩地方出世, 但係大多數時間都有選擇空間, 你要覺得自己一直都比人逼害都無辦法, 無人會想同一個自我中心既人一齊, 除左你家人

自卑就等同於自我中心 唔係話覺得自己一直比人迫害而係當你比人批評既時候你會深究自己有咩地方做得唔好 要改善 某程度黎講 係一種主觀既認知 自卑既性格真係好難一時三刻去改變 我唔係講緊種族既問題 我重點係想帶出華人同外國人（西方） 佢地性格都好唔同 中國人係humble啲 係自卑啲 唔通佢地又有錯啦咩？

你好似掉轉左，你係自尊心強，冇自信心