賣貓狗糧的廢青 你問我未必識答

N1 貓砂 來貨幾錢 17L

Wellness core幾錢 ，n1幾錢 準備買

手頭上無最update報價單

發夢見過好似95蚊咁上下
咁一落通常都24包以上
落夠數又平多5蚊左右啦

有冇link 幫襯你

2磅9x
5磅2百頭
糧又同玩法 通常買幾送幾咁
都係發夢見到唔多肯定

屌 我一次過屌左十二包 107=1

無 純討論 生意免問喇

巴打可以考慮下專做高登做生意 轉做樓上鋪

你有帶網 想同你買 你d貨堅？

想問下origen係咪好呃食
琴日比某寵物店職員笑我買Origen
利申：新手貓奴

有無睇過貓糧資料庫個post？

17L $107都好好好平啦
始終都要成本既
不過你一次屌12包佢就唔洗點責貨
大家開心

點教隻狗去指定地方去廁所

其實做邊個生意都無所謂
我自己入行原因好簡單
純粹鍾意小動物
亦都好想可以做一個媒介幫佢地搵到適合佢地對佢地好既糧食同產品

有時全日一單生意都無
但同啲主人傾下計了解下佢地需要
交流下大家睇法呀心得呀都好開心

無奈既係在商業角度自己真係未fit in到
好似開頭講咁
平又俾供應屌 貴又俾客屌
其實我都係想買嗰個開心食嗰個開心
我開到飯之餘又可以做自己開心鍾意既工啫

我係睇完個個POST就乾濕糧都跟佢買，原本都係食開ROYAL CANIN個D

同埋網購服務應該都幾緊要，我一開始係細鋪網購，而加轉用HKTV (HKTV買THRIVE真係好抵)

分享下用家諗法畀你參考下

你間鋪個位置睇黎好奇特

你覺得香港代理堅唔堅？
糧我聽過有水貨好似未聽過有假
水貨都只係講緊唔經香港代理直接外國送返嚟既貨

如果我有水貨窿路就唔洗俾代理屌啦
所以我都唔識答你我啲貨堅唔堅
我賣緊香港代理商行貨囉

啱啦屌 好多野想問
有邊隻狗乾糧其實會好食啲？
我隻狗仔轉過幾次狗糧，但次次食頭一兩次肯自己食之後都會唔食
不過可能因為我阿媽成日為雞肉佢食，食到佢唔鍾意食乾糧
之前聽寵物舖啲人講話唔可以成日餵人狗嗰啲野比狗食，會對心臟唔好，係咪真？
ps佢好似鐘意食雞肉味既野多啲，餵佢食三文魚同三文魚味既糧會打死都唔食
同埋，有無邊隻腸道益生菌好，我隻狗食嘢又嘔唔食野又嘔，睇過醫生又話冇乜嘢，諗住買啲益生菌俾佢試

笑你咩？你自己有無做過功課先
隻糧好唔好 貓貓啱唔啱食鍾唔鍾意
呢啲係你自己同貓貓既事
洗乜理人點睇

寵物店員笑你亦都可以有好多原因
你唔聽佢講揀隻利潤高既糧又有可能
你揀隻入貨平賣價高既又有可能

其實真係唔夠網購做
但你話價錢上係咪做唔到又唔係
不過限制就多好多好多

我未入行前買糧都有上網買
但亦都鍾意落鋪頭
一嚟唔洗等送貨 二嚟睇到實物
三嚟有得同人傾下計吹下水

唔好講呢一行呀
其實做零售而家好多時都係賣人情味
上網有上網方便
落鋪有落鋪開心

你係講緊市場定位定鋪頭地址
不過我可以答你其實真係兩者都幾怪

比個網址黎

純粹想問下野, 第一次養貓點揀糧同砂

或者調返轉咁講
喺糧食世界雞係最常見最大既原材料
基本上所有牌子都一定有雞味
所以要轉糧都一定係推介雞味
你可以試想下養魚養羊可以有好大分別
但養雞既分別可以大得去邊？
最多只能夠分係用鮮雞肉定撈埋雞骨雞內臟
所以好難講究竟係你隻狗狗鍾意雞味呀
定係普遍狗狗最能夠接受雞味糧食

至於你話應唔應該食人食既嘢呢層
站在賣家角度我只能夠講
科技發達社會
糧廠出既產品都係經過研究經過驗證
去製造啱動物食既糧食
喺呢個大前提下我會揀狗糧多過人糧

最後講益生菌 我自己都有賣
但實際成效係咪去到咁大我又未咁覺得
好唔好 好多時都係心理作用
始終最主要因素都係糧食
簡單講唔會因為隻益生菌世界級就食咩糧都一定無問題

利申 我真係新入行好多專業層面嘢答你唔到
對唔住