隻狗就黎唔掂 掙扎緊好冇同公司請假

話說上星期五獸醫驗到我隻狗有血管瘤同埋成肚都係癌細胞，得返幾日至幾星期命
本身以為佢好痛所以考慮啪唔啪針，但獸醫又話其實隻狗應該唔係真係好辛苦，結果我地決定接返佢返屋企養病

但而家佢好似惡化咗咁，除咗仲肯食零食之外魚、蛋、菜同雞都唔肯食，另外淨係睇佢外表都見到多咗粒雞蛋咁大既瘤，又痾血便，
我真係驚佢會係近日趁我地屋企全部人返曬工既時候走
所以好認真諗緊直至佢走之前都請半日假陪佢
但同時我驚如果請假/每日淨係返上晝既話同事又要bare 埋我既工作會做唔掂
搞到我好掙扎請唔請假好



請假，珍惜最後日子
唔請假，俾隻狗順其自然，唔好因私人問題搞到同事

請假啦 狗狗都算係家人黎架嘛

千祈唔好請假呀，公司冇咗你會唔掂架，即刻下禮拜就執笠

請咪請
大不了咪轉工
話晒你隻狗都叫日日陪住你啊老細

同事咪又係返工見得8個半鐘

請啦 有咩問題

我其實都想請 但父母唔俾話我啱啱先出黎做已經請咁多日假(之前6月請咗假去考試，黎緊12月又要請多次假for考試)
但我又想先斬後奏
同埋其實照顧佢哩段時間壓力好大
佢個病係個血瘤一爆就冇，結果無論佢做緊咩我都勁擔心，夜晚佢透氣大聲少少我都嚇到扎醒，餐餐都要手餵成個鐘先食得半碗
結果而家返工果幾個鐘係我心理上休息既時間 簡單啲就係逃避緊

屌真係好攰但又唔想放棄佢

請啦 自己嘅真實感覺重要過父母嘅三言兩語 同埋的確應該陪到佢最後

聽日問老細有冇得係哩段時間都請住半日no pay 希望老細聽日心情靚靚

樓主，唔該你唔好再諗，一撚定要請假，記住佢係家人來！冇野緊要得過家人！

唔請假你就後悔成世 我就是成功的例子 唔好諗了 一定要請 陪埋佢最後既子曰

其實你已經有答案

一定請 親情一定重要過番工
如果你當隻狗係屋企人

打支針會唔會好過等佢啲瘤爆...？

唔請一定後悔 我隻狗仔本身心臟唔太好 我番工番夜更 平時番兩點嘅話12點要出門口搭車 平時佢地冇乜嘢 最多咳幾聲 我出左門口上左巴士到屯公中間我家姐就喊住打比我話我知狗仔走左 我即刻請假搭番的士番屋企 狗仔合唔埋眼 我爆喊 因為佢陪左我咁多年但佢走個刻我唔係佢身邊

工冇左可以再搵，自己諗

奴性咁撚重？
隻狗搞到咁仲諗住返工

野都食唔落仲有生活質素咩

上年我no pay leave請假陪隻狗到離世
無悔

你可能一世養過幾隻寵物
但你諗下隻狗成世得你一個主人
每日等你放工返黎 對住你搖頭擺尾
佢可能只係想去之前有你係身邊陪住佢 俾佢感受最後既溫暖
但係你用返工不了黎做借口陪唔到佢最後一程
你過唔過意得去？

既然醫生都話唔洗打既時候拖得一日得一日
同埋其實佢精神ok 又鍾意落街玩同R零食
我想俾佢開開心心埋哩段日子

但其實你邊會知佢邊日走？
日日請半日咩..