[資料片] 由比利時嘅斷掌朱古力講起[資料片]

嘩咁同送十二碌炮過黎冇分別咋喎
咁就唔客氣喇
博塔將軍下令開火
喺德國克虜伯制120mm榴彈炮嘅轟擊下
啲英軍炮兵一個個咁變成豆腐碎
未死得嘅一係畀同袍拉去附近一個坑位一齊匿埋
救唔到嘅就唯有繼續畀啲炮彈再炸碎啲啦
到下晝三點戰事完結時
波爾人喺呢度捉走咗150個戰俘同十碌大炮...
...咁仲有兩碌去咗邊呢
呢個就係全場戰役最關鍵嘅地方喇



喺冇無線電嘅年代
野外長距離嘅通訊方式
好多時會用到呢種叫回光儀嘅嘢
咁陰天或者夜晚呢
用呢個啦

喺塊板後面加盞煤油燈就搞掂喇
當然呢啲方法係好易畀敵人發現嘅
所以要配合好一套密碼先可以應用喺軍事上

時間返返去嗰日中午十二點左右
中路負責掩護嘅輕騎兵
畀赫朗萬山上(圖右邊嗰座山)大概一千個波爾民兵牽制住
希爾德少將就心諗
座山有千幾米高係全個戰場嘅最高點
如果控制到嗰度嘅話
就可以好易咁炮擊到對面波爾人隱藏嘅陣地
成個形勢就會扭轉
英軍仲有成萬幾個預備軍同廿幾碌炮仲未投入戰場㗎喎
嗰度嘅波爾士兵唔係咁多啫
座山又喺條河南岸波爾人想增援都唔係咁易啦
好啦一於發個訊號要求增援先
...
咦咁耐都冇反應嘅布勒上將去咗邊呢
布勒上將唔喺大本營
佢上咗去前線
不過唔係親自上陣喎
而係招募緊志願軍上去科蘭索村度收番啲炮
原來佢已經決定咗今日夠皮喇唔玩喇第日再嚟過
而家佢只係一心想收番啲炮跟住就鳴金收兵
...唉真係冇嘢好講喇
咁好啦邊個想去收番啲炮呀

基本上呢個任務係同自殺冇咩分別嘅
啲炮所在嘅位置仲受緊炮轟
不過都有兩隊英勇嘅小隊肯認頭喎
其中包括阿細侄腓特力中尉
佢地冒住槍林彈雨騎住馬衝到去最近嗰兩支炮度
搵繩綁住喺啲馬後面再將嗰兩支炮拖走
都好布勒上將總算攞得番兩支炮
不過代價係幾隻戰馬，超過一半嘅志願隊員
同埋一個大英帝國陸軍元帥嘅獨子


腓特力中尉唔係當場戰死嘅
佢身中三槍之後迷迷糊糊咁叫佢其他隊友走先唔好理佢
不過佢嗰個一樣中咗三槍嘅隊長冇理佢講咩
夾咗佢上馬再送佢番英軍陣地
喺嗰晚佢先死得去
呢啲就係男人嘅浪漫喇

......
Well戰爭嘅嘢死傷難免
跟住布勒上將又組織咗另一次救炮行動
不過今次連一支都攞唔到番嚟...
嗰十碌炮同1300發炮彈就咁落入波爾人手中
咁冇計喇今日到此為止收隊啦
就係咁嗰萬幾個預備隊喺軍營曬咗成日
睇住啲同袍一個個咁變成豆腐碎或者蜜蜂竇
又遲遲未有命令去增援
最後仲要話今日夠皮收隊
啲英軍開始有啲不滿布勒上將...
佢唔好叫Redvers Buller喇
咁鐘意收隊不如叫Reverse Buller啦
如果佢將後備隊推去強攻赫朗萬山
從嗰度撕開波爾人嘅防線
咁嘅話場仗都贏咗啦
唔好話嗰兩碌爛鬼炮吖
波爾人手上嗰啲佢都攞到啦
從此呢位之前德高望重嘅戰爭英雄
就開始踏上佢成為過街老鼠之路
而英軍自12月10日一個星期內嘅三場慘敗
總共損失咗近3000人
呢個星期就係當時英國人視為國恥嘅"Black Week"喇

支持

英國佬十足十抗日神劇入面嘅日本仔咁

Bookmark

留名

推

推

推

有一樣post

留名

終於知道點po啲gif喇

嘩咁同送十二碌炮過黎冇分別咋喎
咁就唔客氣喇
博塔將軍下令開火
喺德國克虜伯制120mm榴彈炮嘅轟擊下
啲英軍炮兵一個個咁變成豆腐碎
未死得嘅一係畀同袍拉去附近一個坑位一齊匿埋
救唔到嘅就唯有繼續畀啲炮彈再炸碎啲啦
到下晝三點戰事完結時
波爾人喺呢度捉走咗150個戰俘同十碌大炮...
...咁仲有兩碌去咗邊呢
呢個就係全場戰役最關鍵嘅地方喇



喺冇無線電嘅年代
野外長距離嘅通訊方式
好多時會用到呢種叫回光儀嘅嘢
咁陰天或者夜晚呢
用呢個啦

喺塊板後面加盞煤油燈就搞掂喇
當然呢啲方法係好易畀敵人發現嘅
所以要配合好一套密碼先可以應用喺軍事上

問我地呀麻

大家好
歡迎蒞臨本資料片
喺呢度我會講吓
究竟呢個波爾農場主嘅仔
係點樣由一個孱弱書生
變成拯救萬民於水深火熱之中嘅戰爭英雄同外交巨人

正如之前所講一樣
嗰兩個波爾人共和國因為長期受到祖魯人嘅侵擾
所以發展出尚武嘅文化
連啲o靚仔都係燒槍同騎馬嘅高手
但係對出生於開普殖民地嘅揚·史末資嚟講
情況就有啲唔同喇
作為英國嘅屬地
嗰邊嘅波爾人係有英國佬照嘅
咁就唔使擔心會畀啲黑鬼搞啦
所以佢地係冇乜誘因去練槍嚟保護自己
尚武嘅文化並唔明顯
另外因為英國佬唔畀用奴隸
喺缺乏廉價勞動力嘅情況下
開普殖民地入面嘅波爾人農莊
係遠遠唔夠佢地北邊啲同胞嘅咁大規模
最多只能夠做到自給自足
搵唔到咩大錢
生活都相當艱苦㗎
喺耕田冇乜前途嘅情況下
要改善生活最好嘅途徑就係讀書
所以開普殖民地入面嘅波爾人
多數都傾向供自己啲仔入學校
等佢地將來可以入城打工擺脫做耕田佬嘅命運

揚·史末資嘅老豆老母都係咁諗
不過因為家境清貧
屋企只夠錢供到個大仔讀書
作為細佬嘅揚·史末資
如無意外都要成世留喺農莊到幫手㗎喇
不過歷史係由一連串嘅偶然所組成
呢個時候上帝開始為波爾人擲骰仔喇...
喺1880年佢嗰個14歲嘅大佬急病香咗
佢就代替佢大佬入城讀書
(而家睇返佢大佬真係死得好死得妙)
天資聰穎嘅佢讀咩都係名列前茅
短短10年佢就由一個成腳牛屎,盲字都唔識多隻嘅鄉下仔
搖身一變成為攞住南非最頂級學府所頒發嘅獎學金
遠赴英國劍橋大學讀法律嘅高材生喇

跟住嗰4年佢喺英國過住如魚得水嘅大學生活
啲教授對佢嘅學術表現讚不絕口
所以當佢喺1894年以第一名通過倫敦中殿學院嘅執業試時
劍橋大學基督學院即刻畀份獎學金佢繼續進修
如無意外佢將會成為英國最著名學府嘅一個法學教授
咁都真係夠晒光宗耀祖㗎喇
不過佢有另一個計劃
一個人讀得法律
自然就會接觸到好多政治同經濟嘅資訊啦
作為喺非洲成長嘅波爾人
佢十分留意非洲特別係南非嘅消息
當時關於南非最熾熱嘅話題就係個金礦喇
成個南非因為個金礦變得繁榮昌盛
但係波爾人同外來人之間亦逐漸因為金礦利益
而衍生出各式各樣嘅糾紛

到時出現嘅各種爭議都需要好多法律專材去處理
需求越大發展機會自然就會越多㗎啦
作為劍橋法律系高材生兼以南非語為母語嘅佢
優勢將會係鶴立雞群
佢覺得與其匿埋喺象牙塔度做云云學者嘅其中一個
不如返去開普敦搏一搏可能仲好景
於是佢就放棄份獎學金返南非發展喇
憑住佢嘅能力
如無意外佢將會喺開普敦嘅法律界以至政界發光發熱
但係上面揸住骰仔嗰條契弟似乎有其他諗法

喺1895年頭佢返到開普敦開咗間律師樓
同時開始投稿到報紙針砭時弊
憑住清晰嘅立論同獨到嘅見解
好快佢就得到時任開普殖民地首相嘅羅德士青睞
聘請佢做私人法律顧問
一切都好順利
作為全南非最有權勢嘅人嘅助手
而家喺佢面前嘅係一條上位嘅康莊大道
呢鋪仲唔光宗耀祖...
契弟:

1896年1月2號支援約翰內斯堡謀反嘅“詹臣遠征”以鬧劇告終
10日後羅德士承認責任鞠躬落台...
好日子過得一年唔夠就冇咗個靠山喇
咁其實都未係最大問題
最令呢個25歲後生仔煩惱嘅係
“詹臣遠征”失敗後開普敦嘅政治環境急劇改變
隨住英國佬同波爾人之間全面決裂
身為波爾人嘅佢必須要歸邊
佢喺開普敦政壇似乎唔再有咩前途可言喇
與其留喺度做個二等公民律師仔
不如去屬於波爾人自己嘅國家碰吓運氣啦
深信越亂越多機會嘅佢
喺1896年8月將自己檔律師樓摺埋之後
冚家搬咗去波爾人同英國佬爭拗最激烈嘅地方-約翰內斯堡
開始佢呢個政治冒險之旅喇

佢呢個決定好聽啲講叫政治冒險
其實睇番轉頭似係政治豪賭多啲
因為作為英國屬地開普殖民地嘅公民
佢喺德蘭士瓦共和國入面只會被視為外來人
而正如之前所講
外來人嘅公民權係受到限制嘅
好似選舉做議員或者入政府做官呢啲政治權利
全部都要過完14年冷河後先可以
但係到時佢又過咗40歲
啲權利又會畀政府禠奪番
所以如無意外佢移民去約翰內斯堡絕對係政治自殺

不過呢個故事教訓我地
世事並唔係簡單嘅算術題
有時喺困境面前
相信自己嘅能力隨心而行
都未嘗唔係應對呢場人生骰寶嘅一個方法嚟嘅
喺1897年1月佢喺約翰內斯堡開咗間律師樓
憑住喺法庭入面嘅雄辯滔滔
佢喺白人精英嘅圈子裡面漸漸聲名鵲起
連遠在首都比勒陀利亞嘅總統克留格爾
都開始留意呢個嚟自開普殖民地嘅後生仔
慢慢揚·史末資就積聚到相當嘅名聲
而家佢只係差一個機會

機會呢家嘢真係話唔埋㗎話嚟就嚟
喺1898年4月克留格爾憑住識破“詹臣遠征”嘅威望
第四度連任總統
佢喺發表完就職演說之後
第一件事就係炒晒最高法院裡面全部法官魷魚
事源係克留格爾認為最高法院喺一年前嘅一個判決
嚴重削弱咗議會嘅憲法地位
全國律師為之嘩然...
...你對個判決有異議咯咪上訴囉
而家咁即係當三權分立係咩呀,細蚊仔玩泥沙呀
克留格爾行政干預司法獨立可恥
今日真係司法界最黑暗嘅一日呀
大家一齊跟住唱今天我...
但就喺呢片漫罵聲同歌聲中
揚·史末資睇到一個千載難逢嘅上位機會

佢自資印製咗大量小冊子
向一般市民解釋總統呢個決定喺法理上嘅依據同政治上嘅好處
全國律師再度嘩然
佢地勢估唔到呢個睇落去文質彬彬嘅劍橋高材生
竟然仆街到喺呢個時候出賣原則同良知
去撐呢個恃住民意嚟行使專政嘅暴君
咁樣畀佢喺背脊嚟插一刀
所有律師都對佢嗤之以鼻
呢一刻佢喺法律界都可以話係聲譽盡毀喇
不過村民並唔係咁諗
啲港豬波豬先唔會理會啲咩憲法呀三權分立呀咁
佢地只係覺得佢地敬愛嘅Oom Paul(“Uncle Paul”)
正被一堆狀棍恣意攻擊
…啲撚樣都唔知係咪收咗英國佬啲英鎊嘅
喺到搞搞震搞亂我地國家
嗱呢個律師仔講嘅嘢就啱聽喇
喺呢個時候都咁有勇氣力排眾議企出嚟憑良心講說話
咁嘅人材真係國之棟樑呀
我地唔應該因為佢係外來人而阻止佢報效祖國㗎喎...
喺民意支持下
2個月後即係1898年6月8號
克留格爾破例給予揚·史末資正式公民地位
並且喺同一日委任佢做國家檢察總長
揚·史末資呢場以金錢,聲譽以至靈魂作賭注嘅賭局
終於中咗個Jackpot喇

1898年時28歲,青靚白淨嘅揚·史末資

(好仆街呀呵
係呀靠出賣原則嚟上位都唔叫仆街嘅話我都唔知咩係仆街咯
不過現實就係咁
越仆街嘅人越易成功
尤其係喺政治嘅世界
你地睇吓阿衰十一哥吖
厚住面皮揞住良心就榮華富貴享之不盡喇
當然身為討厭政治嘅港豬
呢樣嘢我係冇任何意見嘅
但係我認為一個人偉大與否
好多時都唔在乎佢做過啲咩嚟上位
而係睇佢上位後做過啲咩
所以如果阿十一哥做到揚·史末資跟住落嚟做嘅嘢嘅話
我相信大家都唔會介意喺雪廠街幫佢豎番座銅像嘅)