[老了]廿幾歲了，同班兄弟開始傾唔到計

唔好去啦聚會 影響你地位啊

係咁做錯咩事得罪兄弟

成班人咁對你分明係唔想同你見

應該係我唔再中意打機

講打機係因為個個都可以接觸到
講事業，其他人又未必明
講買車買樓，買到既就講得高興，買唔到既聽人分享就越聽越無癮
一陣鑽牛角尖以為人地想曬命，第日約都費事出

你會唔會約踢開波既人去打藍球？

現實同朋友無話題
上網訴苦俾人屌你對打機話題無興趣就係抵死

唔係最熟既出到黎反而好多野講
真係兄弟果班出到黎淨係識打機
點解會咁

同FD咩都講
打機又有遲D Rockstar 夾左4條友
車又有買左架2手日本車
仲有個fd買左架電單車帶我遊車河
仲有人去台灣叫外賣分享食評
就係唔會講工作上既野

死個陣記得叫d 子孫燒你d 儲蓄 等你帶過世
眼中只得錢 你仲可悲過你d 朋友

如果我眼中淨係得錢，你估我仲會唔會上黎呻？
我淨係想出黎食飯係吹下水講下鳩野，唔撚好淨係不停打機咋

你個人係咁掂就唔會冇朋友啦
擺明係果d唔係真係好掂，但又以為自己大個仔睇唔起以前d fd

出去同其實人食飯一樣大把野可以講
唔係睇唔起，同佢地再無共同話題
叫得做兄弟，由細識到大，有d sad姐
圍爐有罪？

叫得做兄弟，你唔尊重佢哋興趣都好有問題啦
sad咩丫 你咁掂 實另埋到上流圈子堆架喎
興趣唔同咪唔同囉，係要講到自己富貴d好境d
但又扮冇睇唔起人
你唔啱佢哋架啦 佢哋同你一齊都會覺得好有壓力

咪撚傻
收入高我成倍既，有錢過我既兄弟一樣有
做乜撚野成個post個個都覺得我傾唔到打機話題係睇唔起d兄弟
有無咁撚中意打機呀？

唔鐘意打都唔覺得你可以對兄弟嘅興趣指手劃腳
以前夠係咁打機啦
你都識講你兄弟都唔係冇錢啦，人哋咪一樣保持初心
變果個係你咋

幾時有指手劃腳呢？
平時收工夜晚佢地一樣係成班連機
我唔打既咪醒水唔入call囉
幾個月先齊人見一次面都淨係打機既會唔會有d無謂呢？
做d見到面先做既野唔得？

呢番說話就已經係指手劃腳啦 人哋想做咩要到你管？慘得過個個都想打，得你唔想打？
你唔鐘意傾打機咪主動開d大家都會有興趣嘅話題
如果你唔考慮埋佢哋嘅興趣，淨係想傾自己想傾嘅嘢，呢d叫自私
有冇諗過點解做個朋友都要咁大壓力？
唔好忘記就算你幾成功，一條毛都唔會分到比佢哋，人哋都只係想喺放工時間同班兄弟輕輕鬆鬆咁出吓街咋
你唔反省唔介意就由得自己從呢個圈子消失