如果啱啱俾人飛，想復合既，千祈唔好lur地！男女都係！

巴打介唔介意透露下你幾大？
黎緊又有咩打算？

2到尾
對拍拖暫時唔係太強意欲.可能無目標

我仲大過你
仲要我喺外國, 個pool同market都細

我諗我都要暫時靜一段時間先再算

巴打係外國工作?
一齊加油

所以依家咪

移民撚, 十幾年
不過係做緊嘢啦
加油啦, 其實過咗半年有多我覺得最壞時候已經過去, 只係每日仲經常諗起, 同埋某d回憶開心唔開心都會令我隱隱作痛咁
但已經打消咗挽回或者搵佢嘅念頭了, 頭兩三個月係最難捱

我都無同我朋友同事講..自己收埋算

真真正正被分手了 我決定死心

唔辛苦咩
嗰陣我勁搵朋友叫春, 到到而家間中都有, 你見我而家仲喺呢個post留言就知我未放得低哂

上面講左無唔開心過..
可能你唔信.但我都唔洗鍵盤上扮無野啦
你都加油.跑下步.寧願番工都唔好放假啦..
個人一停落黎相信你就會諗佢

睇完，好想好想求教！！我就未有戀失，連曖昧都未知係咪就。。事原係，網上識左條仔，幾日內就又電話，又食飯睇戲，whatsapp咁。點知2日後忽然冷漠左，電話冇聽，話覆翻冇影，whatsapp雙剔後冇反應。。我當然，衰左chur 左。仲衰。。。而家鬼影都冇埋，自己又唔敢再揾人。個心又好拿住拿住。。。點好呀！！！？

2年，9月岩岩散左，雖然我朋友個個都話佢仆街黎 但我真係好愛佢

今日佢正式話我地無可能一齊返
唔死心都要死心了 佢都為左段關係辛苦左好耐 我要move on

同ex一齊左兩年半左右，兩星期前被分手
原因同我一齊好大壓力，我太痴身，唔想好似湊女咁（佢話諗左半年，佢係講得出做得到既人）
分手後lur左四日，其中一日我入左院同佢講，佢話唔關佢事。講完分手電話就被block左，第二日block ig 。我就whatsapp lur ，最後第四日咩都比佢block晒
我就上去佢屋企搵佢，但佢話見到我就煩，又話要報警，趕左我走，同埋冇左我呢幾日好開心，可以做返自己
之後就冇再搵過佢on contact（想contact都contact唔到，但佢完全冇搵過我，我係唔係冇得救？

同你case差唔多，一齊咗2年幾分咗，跟住3-4個月後到復合，而家又分手邊境
唔知你地一齊咗幾耐同佢咩性格 如果一齊得耐同佢個人本身專情既就有得救
但我覺得你而家首先諗既唔係諗點先復合
因為佢唔單止唔愛你仲憎你 點解分咗手仲要chur住佢 佢而家放監梗開心喇 我男友都係 周圍大肆宣揚佢個陣幾慘 而家終於放監

所以首要做既係唔好再做任何野令佢增加對你既憎恨

我都付出咗好大代價先明呢個道理，以為chur先俾對方知道我有幾死心塌地。

好啦，迫到對方忍唔住開口，所有說話都好難聽，令你覺得過去所有付出都再無意義，到頭來最傷果個係自己。

我成日以為自己講晒自己心底說話對方就會明白我諗乜 但其實對方只覺得煩 咁多野怪 唔識感恩 久而久之諗起你=煩、問題、憎。

對方一早放低 你仲戇鳩鳩係到愛一個已經討論自己既人

同佢一齊2年半，但好似經歷左好多野咁
我都冇方法可以搵到佢、上次去完佢屋企死lur自己無面，佢又憎我。
我係佢初戀，同埋佢有事都會收埋唔出聲，一次過爆出黎。今次都唔係佢第一次講分手，對上一次佢係當面講，但冇block我，會應我，我就日日搵佢、之後就一齊返
身邊d人話男人一唔愛做咩都無用

絲打我明你 我真係明
我知好難但你由今日開始唔好再搵佢煩佢
你想搵人姐 人地又想唔想比你搵？
唔好將自己想法強加對方到造成對方困擾
對方而家就係因為咁頂你唔順你知嗎

我自從去完佢屋企lur完佢之後就冇再搵佢了

叻女

能為愛戀學習按捺　情信寄進心內

感謝開解

同你一模一樣 我仲講足幾個月 鬧又鬧過 分享又分享晒 人地要飛你你根本冇野可以做到

唔好俾自己諗咁多唔係對前任薄情，係唔好俾自己無止境喺傷痛入面。
前任脾氣好大，我曾經以為佢想我難受，用惡言令我難受，係發洩嘅方式，機會仍在，但對持續置自己嘅苦痛於不顧，就應該知道只有自己幫到自己解脫。