(樓上滲水苦主交流區) 如何測試水源?

我見過有人用iphone apps測顯度

呢單野食環色水當日已證實樓上外墻喉係爛左噴水落街
食環只得證明佢有滲漏記錄.

巴打好似無做功課
公證行第三方full report係有法律效力架.. 搵公證行搵源頭幾千蚊
出report就貴啦.無法律效力都唔會搵佢出 是但搵個張三李四師傅上庭up幾句得啦.

噴水落街還噴水落街,唔等於就噴落你天花.你天花無色水就証明唔到係佢責任.

公證係證到有漏水,但要証明係指定樓上邊個位漏出.樓上唔比你入屋之下,係好困難證明.
你堅持搵公證再請律師就做啦,只係想同你講,要贏唔係咁易,但舊錢就點都洗左出去先.

巴打當年洗左幾多錢解決

講係咁講 食環試唔到來水 食環都係建議你搵公證行用先進d儀器做 你無可能由得你屋企比人日日流水都唔處理. 處理呢d都預左係好麻煩既事. 但無得避免..關於入屋管理處一般都會幫手協調下. 搵律師都係最後手段 人地肯整唔通走去搞咁多嘢咩.

巴打,我屋企都煩緊,
樓上又話攪,過一排又話叫我找滲水辨找源頭,
屌佢,
最慘係我個滲水位似係防水層老化,
GOOGLE過滲水辨既方法,好似要滲到滴水先易經色水方法找到源頭

係要經滲水辦係樓上倒色水試. 不過真係睇好唔好彩. 滲水辦係兩個政府部門組合既其中d食環廢到仆街好撚唔負責同hea鳩你 唔想打報告 漏得好嚴重都唔撚想打報告 拿部機特登去測d無滲水既位.比我地當面屌到佢仆街. 之後我地買氯氣試劑 搵到d水唔係雨水係食水源頭.都幾百蚊買左盒試紙測試係咪鹹水. 之後樓上企缸地下補左掃口粉倒左d防水物料就無漏.樓上承諾呢兩年裝修會大搞. 希望再此之前唔好再漏.

感謝巴打
我都重問緊公正證價錢比教中
想問，你屌完佢，滲水辦有查到源頭嗎？

試色水試到係樓上地台.不過d顏色滲落來之前佢d師傅上去睇過都估係企缸地台. 所以佢師傅補完d掃口粉即刻d水慢慢少左之後消失埋.

恭喜巴打攪定，
我都作戰緊，
問過幾間公正行，有的話唔洗上樓上做檢測，
係我單位做就夠力寫報告，都唔知真唔真，
有的重話只需要舉証到的水由樓上滲落黎，
唔洗找源頭，源頭叫番樓上戶主自己找
十五十六中

但你點都係搵食環滲水辦先. 最好通過管理處樓上業主食環三方面協調到樓上肯比食環滲水辦倒色水先.政府佢地d報告有刑事訴訟作用. 公正行只可以做民事訴訟係下策黎.