好鍾意買香水，屋企有過五十枝香水。
所以想同大家討論下
我自己最鍾意Maison Francis Kurkdjian A La Rose
鍾意到我買埋佢嘅沖涼同hair mist.
前調：西西里檸檬、香檸檬、加州橘子。
中調：紫羅蘭花、葛拉斯玫瑰、保加利亞玫瑰。
後調：玉蘭花、雪松木、麝香
佢係一枝算係比較fresh 嘅玫瑰調香水，亦都係唯一來枝我每一次用都係有讚無彈嘅香水。
其次都係MFK Oud Silk Mood
保加利亞玫瑰，來自摩洛哥的洋甘菊，
寮國的沉香木，紙莎草紙
呢枝就比較成熟少少無咁fresh.
比較啱夜晚去玩去飲酒嗰時用。
如果唔鍾意玫瑰調，我就推介Byredo Bibliotheque
前調：桃子、李子
中調：紫羅蘭、牡丹
後調：皮革、香草、廣藿香
呢隻味好特別，我唔識形容。
但係我一聞就覺得，嘩，好香呀我一定要買。
講住咁多先，諗到其他再講
上個post #363 唔識停
為咗保持呢個POST既質素免於變成追女POST...我出吓啲無謂野先
拿.....以下內容純粹係個人意見(帶頭盔先)
我見好多人成日問邊隻牌子香水會long lasting
但香水 long 唔long lasting 唔係睇牌子
(啲人話Jo Malone 好快散....咁有冇試過黑樽?)
1. 睇佢係EDC, EDT, EDP定Parfum (我知呢個係人都知)
但近來好多perfume salon 都就去作番個名俾己
例如Jo Malone 既 Colonge 同 Colonge Intense
Atelier Colonge 既 Colonge Absolue
呢啲就要等番相關專業人仕研究吓佢個濃度....我真係唔識
2.原材料
有啲材料既味特別痴肉, 有啲係一陣風咁,
我個人經驗例如有musk或oud而且成份唔太少既話通常都留好耐
白花就一向開頭強勢, 之後啲味好快散 (但SL橙花留得勁耐)
所以, 如果兩隻唔同牌子差唔多味既, 大家都係EDP, 有可能成份比例唔同, 大家既表現都唔同
又所以, 唔好再問邊隻牌子Long lasting 啲, 好難答的, 直接問邊一枝會好啲
題外話
香水既價格點解會差咁多
因為有啲香水會天然香料+合成香料一齊用
(聽聞好多designer brand都係咁, 我都係聽番黎...你地自己研究吓)
又好似FM une rose, 佢天然精油係佔25%, 所以佢真係落足堅料, 亦所以賣得好貴
）
