由頭到尾我唔妥第三方都係班撚樣嘅態度, 玩老翻玩出優越感, 仲要唔係十幾廿歲嘅學生, 係出嚟做左N年野嘅中佬, 係咪有病?
你拉到動畫同戲嚟講, 係老翻, 但都係個點, 洗唔洗大大聲話人買正版低能, 睇老翻萬歲?
正常人做緊衰野都唔會大大聲話人知吧。
戲同動畫如果好睇, 我會去買番正版, 套Steins Gate 0我就準備執番一套Bluray, 其他人點做, 我管唔到。
對啲垃圾玩具老翻嚟計, 我係正義撚
玩唔起就唔好玩, 玩埋啲垃圾, 助長人偷野, 到最後無人設計新野就爽。
成個HOBBY玩具行業已經式微緊, 玩嘅人都已經無以前咁多,
啲玩具係貴, 但學識選擇都好緊要, 咩都要買晒, 什至要去買老翻, 再什至話人買正版低能,
咩世界? 雖然香港都好多呢啲撚人。
其實講左咁耐, 你嘅"侵權"就約略等如我嘅"老翻", 呢個話題我無諗住駁倒任何人, 亦無諗過要改變其他人同自己對老翻嘅睇法, 討論區就係俾人陳述意見, 我要講嘅講完了。