超補濕護膚品介紹 乾性皮膚請入

終於穩到幾個超好用，超補水既護膚品想同大家分享下！

首先講下自己皮膚狀況先，我有小小皮膚炎，有時會去到塊面度，搞到塊面好肉痠，所以成日都係會好乾又甩皮。化妝仲衰，一上粉就睇到曬d 甩皮既地方，認真核突。
之前試過好多唔同牌子既cream 呀，mask 呀，精華呀，全部都無用，而且仲會搞到塊面紅曬。但我發現下面呢幾樣野真係超好用，好適合乾性皮膚。如果我都可以用呢d product 我估敏感性皮膚都會適合用。

1) Lumene Nordic Hydra [Lähde] Hydration Recovery Aerating Gel Mask 150ml
呢個mask 完全係我皮膚救星，我係聼我朋友話好好用所以就買左個黎用。上網有稍微research 過個brand 個brand 係被稱爲芬蘭國寶，價錢超抵買而且又大個可以用超耐，我係lookfantastic 買，港紙211，加埋個網上面個code，我買個陣有個85 折，埋單179 蚊。

呢個mask 一搽上塊面既時候勁乸，我超驚以爲發生咩事，而且因爲個mask 係透明我見到自己皮膚好似越來越紅甘，好恐怖，不過我成日用mask 都係會乸因爲皮膚太乾，所以我驚之餘覺得係正常。過左五分鐘左右開始就唔再覺得乸，而且開始覺得好舒服。我用呢個當overnight mask 敷，第二日起身洗面我自己都嚇親自己。塊面甩皮既地方竟然好反曬！唔誇張，真心好work。我自己唔會日日用，靜係甩皮既時候用黎救命，我真係超級推薦呢個product！用左幾次之後發現原來之所以會乸係因爲皮膚太乾，因爲我次次乸親既地方都係甩皮既地方，之後我都有上網睇過其他人review 先知乸係完全正常，所以唔需要驚。

2) The Ordinary Hyaluronic Acid 2% + B5 Hydration Support Formula 30ml
之前見過好多blogger 同外國d Youtuber 介紹呢個brand，因爲價錢真係超級平，所以我就忍唔住買左兩個黎玩。我係同Lumene 一齊買既，價錢係63蚊。Hyaluronic Acid 平時出面賣好貴，上至一千都有，但The Ordinary 靜係63蚊，所以我就買左兩個。

Hyaluronic Acid 係一個超有效補水既成分，會吸收環境周圍既水分入皮膚度，所以我會係敷mask 之前用呢個product 去幫助更加吸收mask 入面既水分。而且由於香港本身就係潮濕，所以我平時化妝既時候都中意將呢個溝埋落粉底或者係primer 之前用。
真心覺得呢個好work 我用左大概半個月左右，皮膚真係滑左好多。而且因爲皮膚唔似以前甘乾，感覺連幼紋都少左好多。

本身以爲63蚊既護膚品唔會好有效，但呢個令我非常意外，覺得可以買黎試下！

3) Elemis Pro-Collagen Marine Cream 50 ml
Elemis 呢個cream 係我用過覺得最好用既cream。我塊面冬天個陣甩皮會比E+ 嚴重好多。加埋鼻敏感，鼻翼周圍係又紅又痛。但係我用呢個cream 係真係明顯見到個效果。雖然呢個product 主打係去boost 膠原蛋白而唔係主打補水，但係我不得不承認個補濕效果係一流。呢個product 唔似lumene 甘一次就見效，而係要keep 住用幾日。我用左大概一個星期左右啦，塊面係真係超級滑，而且感覺係多左d 彈性，後生左 。

價錢就有小小貴 901蚊，但係我覺得超級值呢個價錢。


希望大家中意我今次既分享，我係真心希望可以幫到乾性同敏感性皮膚既人，因爲好似我自己甘，我知道呢種皮膚要穩到適合自己既護膚品係有一定難度 。如果你地用過d 咩覺得好用都話比我知呀！

Neutrogena 已經好夠

Neutrogena 個hydroboost 系列都的確okay 不過都係覺得有d 乸 同埋甩皮既時候用覺得無咩效果

LM 學嘢