[解決]我呀嫲接近90歲，想帶佢搭飛機去旅行。

記低藥名, 申報晒出來, 寫明自用就冇問題, 冇包裝都唔緊要.

真係郵輪好D. 痛風+氣管唔好+老人家, 坐飛機會幾難頂下.

我呀嫲都90歲 每年都會同佢坐5、6次飛機去旅行
佢坐慣都試過出事，有次唔肯起身行下，
最後落唔到機要開白車
所以一定要好小心
第一 如果有經濟能力最好買premium economy或以上，等呀嫲坐得舒服啲
第二 上機前要佢去一次厠所 上機時再去 順便喺機上面活動下
第三 就算呀嫲仲行動自如，可以考慮用一次紙尿褲，始終有時有氣流嗰啲驚冇時間去厠所，老人家唔忍得
第四 如果呀嫲肯 book嗰陣同定航空公司request輪椅服務 可以唔洗行咁遠 你又要顧handcarry再顧呀嫲 有多個地勤幫手會好啲
諗到再講，其實同我呀嫲去旅行都通常會帶埋輪椅，因為老人家始終行得耐少少就會攰，千奇唔好跟團！
同埋當然睇一次醫生問問你呀嫲適唔適合坐飛機，始終每個老人家情況唔同

最好有多幾個屋企人去
驚你搵得路 攞得行李黎 睇唔掂佢

同埋要睇下老人家平日食唔食其他地方菜
如果幾日都冇中餐食可能會好唔慣
安排嘅時候排番一兩餐中餐會好啲（除非台灣）

係佢想坐飛機，定你覺得佢想先？
咁大年紀坐郵輪穩陣好多喎

真係好多謝各位巴打

不過想講返，有啲巴打問我，係我想呀嫲去呀定呀嫲想去，兩者都有，點解咁講呢？因為去到呢個年紀，亦都真係好似有啲巴打咁講，可能落街飲個茶或坐公園，就可能已經好滿足，但老人家真係好奇怪，有時有啲野明明係佢會鐘意既，你問佢去唔去、做唔做、食唔食、要唔要，佢可能照樣會say no，但係你心水清都知佢根本唔係唔想，佢都可能只係怕自己年紀大，唔去得邊，驚去到個到會點，驚去到個度唔習慣而已。
而我想，我真係想，我就當左佢係我呀媽呀爸既角色，我敢講佢真係能夠［一擔當二］，但我先唔講心唔心願，遺唔遺憾，孝唔孝子，年紀老唔老邁先，假若一個咁親既人，你想唔想帶佢做一件你想同佢一齊做既事先？
但我都知，可能真係會有好多野要諗，要顧，要做咗先能夠知，我完唔完成到，所以有啲巴打講野，係唔吉利或者唔好聽，但呢啲因素都係絕對要諗，所以開呢個post，都係想聽多啲自己無考慮過同埋重要既問題姐

我爺爺嫲嫲八十幾
健健康康行得食得
上年帶咗全家去一次日本同一次泰國


1.要每人買一張上到網打到電話嘅卡，方便聯絡(我爺爺去旅行都要打長途電話買馬 )
2.盡量唔好帶佢地搭交通工具(有時d車站得樓梯無電梯佢地好難行)有得搭的士就搭的士
3.食野一定要book檯,千奇唔好walk in(有一晚試過行咗半個鐘都無餐廳有位 )
4.每日安排嘅景點2個左右就得,因為行一陣就好快累，要翻去休息
5.就算係自駕遊都唔好去太長車程嘅景點(老人家好容易腳痛)
6.安排準時食到早午晚三餐，方便佢地定時食藥

唔係d咩特別野不過希望幫到你

咁大年紀盡量唔好坐飛機，好傷身

巴打加油，睇完你呢個留言
我就諗起，係我細個既時候，成日聽到啲親戚又好，朋友又好，佢地話嫲嫲老架啦，可能陪唔到你咁耐架啦，每次諗到都好灰好似個刻就快黎到咁，點知，佢已經就黎90歲，係好開心，見到佢仲健健康康，但其實個種感覺仲驚左

叫樓主跟團嗰啲到底咩心態
明明自由行可以自己決定加隨時改變行程，行到攰都可以休息吓
跟團嗰啲趕景點又不斷上落旅遊巴

揀個自己熟悉，交通方便，老人家又有興趣嘅地方就得啦

多謝巴打提醒先
巴打婆婆現況好嗎？祝福佢身體健康

巴打好體貼 多謝你

warm

事先上網睇定d舒緩方法準備定
因為唔知會唔會暈機浪或者氣壓耳仔唔舒服個d

高風險既話，一程係機一程係其他交通工具會好d?

睇錯[解決我阿麻]

樓主你搵到有公司肯保既可唔可以講聲我知
因為我屋企果個80歲已經搵唔到，不過86歲果時照同佢去左轉東京

近近地坐去台灣玩下囉

多謝巴打啲建議先
不過暫時認為首先要做既野，去搵醫生問問先，但係就有似聽上面有個巴打講，到時先出事都唔知點算，姐係意思可能醫生批左張證明書係可以既，但真係有意外既時候，會唔會連累埋個醫生

多謝你呀巴打 絕對幫到呀
祝福你爺爺嫲嫲身體健康

我都有帶八十幾歲既兩老去旅行，不過都盡量短途
我阿爺做過心臟手術都照搭到飛機
認真唔好跟團
老人家最重要係廁所同食飯問題
就算佢話唔急都要逼佢去咗先
食飯盡量中餐同埋定時方便食藥
另外有得包車盡量包
不過樓主呀嫲行得走得問題應該不大
係保險麻煩啲

你呢D就唔知咩心態 睇黎你真係未試過帶父母/長輩去旅行

跟團玩所有野都定好哂, 清楚行程清楚酒店，旅遊巴點對點接送，不知幾方便
你話行到攰要休息，自己同導遊領隊傾好哂就得啦

自由行的話, 無錯係所有野你一個人話哂事,
但保險、機票、酒店、行程、入場卷、交通呢D所有野都係你負責哂
你夠唔夠膽講句你100%會安排得好而無甩漏?
以上所有野要由照顧者都負責哂, 你知唔知個照顧者會有幾大壓力

驚氣壓痛既可以起飛降落前食通鼻塞藥
當然要問左家庭醫生先

利申 氣壓性中耳炎 會痛人好多倍 差啲要入醫院 食左藥完全無感覺痛