咁排到入去其實都一頭霧水唔知玩咩，門口有少量介紹但都唔係exactly 教你點玩，只有少量提示。咁佢每次會比4組人入去，一組一部機，但你自己一個人黎就會自己一組，佢唔會塞你去其他組，另外部機係有其他語言嘅，我用英文同佢講唔識日文佢就比左英文版我，唔排除有中文版(因為門口嘅instruction 有中英日)
我唔知佢有幾多關啦，總之我第一關就fail 左，限時過左大半先get 到點玩，我介紹下第一關就係揾幾條電子key, 其實就係detector黎，迷宮就分三棟大樓，各兩層，咁你就喺各個通道丫 房入面個d 都會見到呢d detector, 而你係要揾佢要求嘅型號然後拎部機拍埋去，佢部機上面會提示大概係咩型號，例如123-126, 咁你就揾呢個range 嘅去試(我玩左大半先知原來係咁揾，開頭見到detector 就9 拍埋去，最開頭係連原來要揾detector 都唔知) 限時內揾齊然後揾埋入第二關個門口就可以進入下一關，限時應該會reset, 因為佢個play est. from 15mins to ~1hr, 我排兩個鐘最後玩得15分鐘真係好唔抵，希望有巴絲去嘅話可以玩耐d 什至破關，因為佢話好少人可以成功破到關，網上睇好似話就算幾個老手組隊入去都過唔到之後嘅關。
P.S. 喺個迷宮入面係唔比跑，佢detect 到會扣減時間，我比佢扣左幾次
