今日學識咗一句可以用嚟做免死金牌嘅說話

今日晏晝經過地鐵站大堂，見到有個港孩拎住個飯盒跑黎跑去，後面有個廢老追住個港孩。

我已經左閃右避，但係個港孩都撞咗埋我度，倒到我成條褲都係餸汁

我仲呆咗嘅時候，廢老已經嚟料。

我：

廢老：


： 小姐，你行路唔帶眼嘅！


：吓，我已經嘗試避開，但係你個小朋友自己撞埋黎喎。我成條褲污糟晒


：人地係小朋友，你唔係同佢計較呀？

呢個時候，個港孩已經喺閘機下面爬咗入閘，個廢老扮晒去追番個港孩行開咗。臨走前仲要加多句:


：依家啲後生...

聽到呢句真係火都嚟，忍唔住勁大聲話:


：點都好過依家啲港孩，撞完人整污糟人地條褲都可以就咁走咗去

呢個時候開始有幾個路人甲花生友圍觀，見到我條褲同地下個飯盒都大致估到咩事。

個港孩可能見風頭火勢，爬番出閘攬實廢老對腳。


：（悔氣）姐姐話你唔小心撞到佢喎，同姐姐道歉啦。

港孩：(睬你都傻)



小朋友大晒咩

得罪講句，十個港孩有九個都係廢老縱出嚟，
乜都唔同港孩計較嘅話，港孩橫行霸道，
最後咪變廢老囉


利申：會好溫柔對待同珍惜果啲唔係港孩嘅細路，
因為佢地喺香港已經係瀕臨絕種嘅生物。