但都希望你地可以係度過得開開心心
常見問題：
1) 點分正校園同賽馬會校園？
正校園我地叫MC，賽馬會校園叫JC，佢地大約相距兩條街左右。
去MC既話你係何文田廣場落車會近啲，
去JC就俊民苑落車／何文田地鐵站A3出口。
旺角新寶戲院對面個道有兩架小巴都去到OU，都係何廣落會近啲快啲。
搭的士就直接講
（MC）何文田公開大學 牧愛街 近醫療輔助隊個間
（JC）何文田公開大學 忠孝街 近警署個間
2) 幾時有得攞學生證？
9月開左學之後，你可以上MYOUHK Upload你張相，
大約兩個禮拜之後你就可以去攞，通常愈早up愈快有得攞
3) 咩係Reg科？幾時Reg得？我使唔使Reg？
Reg科即係去註冊/揀去要讀咩科，
8月中左右可以上MYOUHK睇Advise on course selection，
開Sem後兩個星期係Add/Drop Period，
你地可以改Add/Drop科／改下你個Timetable。
4) 係咪可以申請locker？
係，9月中左右學校會sd webmail比全校，通知大家可以申請locker。
到時會有一個日子比大家用先到先得既形式，遞form抽籤去揀咩locker。
你填MC就抽MC既locker，填JC就抽JC既locker，每個locker 200蚊。
雖然到時一定會排哂長龍，但最後其實淨返都幾多locker，所以都唔洗太緊張。
暫時淨係諗到呢啲問題，你地有咩想問都可以出聲，
呢道應該大把人會答你
如果你地真係想知OU有咩camp／soc好玩，
建議你地自己search左佢地既facebook/instagram，
睇下佢地有咩活動／搞過咩活動，
再自己諗想玩咩／點玩／點識人／識咩人，唔好人云亦云。
