PS4《神界：原罪2》終極版 討論區

一路都無留意呢點

Wits 唔會加base damage所以唔洗點太多
跟角色輸出主昇力量敏捷智力

不過法師弓手呢d脆皮輸出如果比人先手後期好易比人一波秒或姐CC
所以我自己鐘意每兩Lv 點一點智慧
爆哂智力敏捷之後就昇哂智慧

點解我今日down完一開係英文版嘅，明明話更新咗係有繁中，而且我系統都係用繁中

電腦版定其他？
電腦版你要係steam度較語言架

你係PS4？應該係未download完姐，PS4啲game未download完都已經可以玩

係PS4 ，自 download哂就得
唔該樓上兩位

問一下劇情問題(未打到無名島請skip)
去到無名島,暗影王子叫我殺母樹,話母樹想對其他種族發動戰爭
跟住我拿完dead fog之後,殺咗暗影王子,拿咗粒心俾母樹
然後質問個後裔,後裔話母樹無害,只係暗影王子驚母樹太勁,所以要殺母樹
問題係應唔應該殺母樹拿exp?

劇情上嚟睇:
我冇帶希貝爾,就咁睇d npc對話唔覺得母樹有野心,但是聽聞帶希貝爾,盲眼精靈會要求殺死母樹,所以母樹該死?
但是咁會唔會導致結局有改變,同埋殺母樹即係出面精靈敵對,咁我咪要屠城,包括亞歷山大?
好似冇明確證據證明母樹想婉統治世界,暗影王子可信性都幾低

利益上嚟睇:
有經驗值,但是商人會死

其實本來唔想殺,但是我交完個心,個後裔叫我在母樹改變主意之前離開
佢似乎未分清莊閒

我殺左，帶左sebille既話盲眼精靈會話母樹其實控制緊成個精靈族，佢想班精靈有自由意志，殺左要屠城，但亞力山大唔會打你，想殺又想打少d既話就同黑環班人講你滅左前面d旗，叫佢地可以進攻

關於七神議會嗰part
如果選擇讓隊友飛升會點

唔知，我揀左自己升

殺既話你會多好多經驗值
屠城都唔會好難 係神殿d商人跌既野都唔錯

不過你唔殺既話sebille可以拎到個加3記憶既天賦

劇情上面有巴打都講左喇
我自己就次次都殺

拿完記憶再反水都得，一樣完成到劇情

'來自異鄉的異人'個任燒左隻腳之後叫我搵蜥蝪人個靈魂,但係開左靈視都搵唔到,究竟o係邊度

玩到fort joy...好難玩，周圍都係3lv 怪我個人就得2lv, 又冇裝，打毛咩

你同完佢講野再去燒既話佢會自己彈出黎同你講野完任
你可能係隻腳放唔岩位
執番之後再放去兩個龍頭中間燒試下

係呀呢隻game初期無裝又無技係最難打
你lv 2可以試下係城入面搵個叫加文既商人接打鱷魚任
鱷魚3隻 3 lv
打完你仲會拎到超好用既傳送手套

唔夠打
揀錯職， 牧師開頭補又唔得攻又唔得。 死靈又係垃圾嚟

你差幾多經昇level?
同埋你係幾多人圑隊？

唔夠四個人搵齊四人先
你唔夠打可以試下拉打, 分開團隊一個人行近開戰 開完向後退 拉出黎一隻一隻打
早期戰士學battaling ram 同battling stomp就有兩個硬控 呢兩招山洞個蜥蜴人有賣
你有水電法 落雨加雷擊又有一個硬控 水電法你想玩招洛思就會有

高亮一個敵人

差3分1先升
我諗再試多次，有冇得轉職業㗎？

要上左船先有得洗點
你mouse 放係exp bar上面可以睇到差幾多

你試下可唔可以好似我咁講拉打 唔得你可以post你d角色有咩技出黎 一眾巴打可以教你戰術

真係唔得咪出刷囉 一個鐘左右可以打番到同一個位

重刷

啱啱成功過左 魔盔甲硬爆佢，係咁火同拉一隻一隻打

但打完去到傳送條友果到crash 左 唔知佢有冇save 到 fuck

冇撚左個save
算，重嚟 今次知點玩了

Good job
好多時難打都係對手地型有利 拉出黎打逼佢地行出有利位置會好大好多