成功拋磚引玉，亦都推唔少人落坑
今次，以我自身經驗，講下新手買香水一定要知嘅事。
（戴頭盔：小弟並非專業人士，有不同意見歡迎留言分享討論）
第一步：揀香水
一，揀季節。以YSL La nuit de l’homme為例，佢嘅設計係秋冬嘅夜晚，如果你夏天朝早噴就好突兀。
二，揀場合。如果你係係室內，例如辦公室，應該避免噴擴散度高嘅香水
三，揀性格。Terre d’Hermes有啲人好鍾意，有啲人好唔Like。點解？因為佢比人超成熟嘅感覺，如果20歲出頭，或者會顯得格格不入。
第二步：試香水
當噴係試香紙到，發現幾Like隻味，可以噴上手腕。睇下中調、甚至基調係咪同樣岩你心意。
最好就帶friends 去，問下隻香水襯唔襯自己。
第三步：買香水
到底應該買幾大枝？100ml會唔會太多？
㩒一下大概0.1ml（視乎幾大力、噴嘴設計），所以一枝可以㩒1000下左右。
咁100ml算唔算多？呢個問題可以好複雜。首先，如果每日噴，每日額外補一次香，100ml會用得好快。其次，換季就要換香水（除非係萬能型香水），到時舊果枝就會dum埋一邊
如果好似我咁有幾十枝香水，100ml真係一世都用唔晒
第四步：擺香水
請存放係陰涼而且唔潮濕嘅環境。
條件許可，防潮箱。否則，原裝包裝盒都可以。
第五步：噴香水
整左個表比大家參考下（僅供參考）：
留意返，噴香水嘅位置冇絕對嘅對錯，完全視乎香水嘅特性。
一，有啲人讚成香水雨，有啲人反對，我個人認為要視乎枝香水。香水雨嘅好處係平均、唔會太濃。因此適合係室內噴擴散度高嘅香水（其實室內本來就唔應該噴擴散度高嘅香水
）。所以，低擴散嘅香水再用香水雨，就會變得好浪費二，揀三個地方黎噴就夠。
三，室內噴手腕，可免則免。假設一枝香水嘅projection 係一米，如果你噴手腕，個距離就會由你手腕延伸出去一米
當然，如果你要做presentation 或演講，想吸引全場嘅目光，噴手腕當然冇問題四，我個人認為噴耳後對亞洲人意思不大。鬼佬噴耳後係因為greetings 時會攬頭攬頸，人地就會聞到你嘅香水。但係我地唔會咁做
五，前頸左同右。鬼佬好少推薦呢啲位，咁係因為佢地頸有鬚，剃完鬚之後噴果到會敏感。但係至少我頸冇鬚先
打住咁多先，好攰。
繼續推爆佢
