有冇巴打問過前生係咩？

平行時空同現在時間線唔係唔同咩？
既然時間地點唔同，點解會有似曾相識既感覺

我以為剩係見到精靈同高維度嘢
估唔到可以問前生，即係你同前生有對話交流？

問米對象唔係要問先人咩?
咁不如法科問事或道教扶乩
但我覺得上面唔係咁易講你知
不如唔好問

睇相佬話我前世係飛機杯

可能唔止，每個人都唔同
有啲人慘死，被姦殺
靈媒睇返呢啲畫面都會唔舒服
個死亡過程可能好耐
或者你唔止睇一世呢

巴打試完有冇身體非常唔舒服，例如器官壓住唔舒服，個腦撕裂咁樣？
而家巴打你貌似好冷靜，應該幾順利

做催眠都會睇到前世，人有好多個前世，我接觸過嘅客有d有成萬世都有，不過佢確實係好古老嘅靈魂。
其實我見過嘅客好多都由外星黎，佢地有唔同嘅外星種族或者形態。普通d嘅，有時候我幫身邊人做催眠，次次都會見到唔同嘅前世。
不過做前世催眠重點都係上面會安排最適合佢見到嘅前世俾佢睇，而呢個前世係同佢今生呢一刻嘅煩惱或者今世嘅恐懼有關。
當佢地睇到之後就會解除到前世帶落黎嘅殘留能量。

lm

有冇客係接受唔到自己前生
你會唔會話俾個客知佢係外星靈魂？

好有趣既topic 推上去等多d人分享

有興趣留名
但我比較相信一體論

我係一隻蚱蜢

會唔會有啲人睇到嘅野好實在？
例如真係講得出咩年份、咩地方、生活文化、語言等。
定其實都係某啲鎖碎片段/一個general嘅印象？

唔會，因為我唔會話俾佢知佢見到d乜，只係我引導佢回溯返d記憶出黎同引導佢放下。
佢自己見到係外星靈魂，唔會接受唔到，因爲佢會了解到更多今生黎地球嘅原因同使命。

會㗎，有d人會睇到好實在嘅嘢，甚至會有好強烈嘅情緒，例如一路睇一路喊，或者曾經有個嚇死嘅case，佢經驗死亡果刻係全身嚇到硬曬。呢個好睇個催眠狀態夠唔夠深同果個人本身嘅內在接受程度。
有d人會講到咩地方年份同國家，語言我就好少見人會講到，因爲催眠狀態下佢地多數係用內在感知去知道發生咩事，即係見到畫面同內心知道d人講左咩。
通常講到年份同國家，我會問多d背景之後再查證歷史。例如有人見到某個前世係古代希臘嘅高官，佢下令燒左成座城，趕走曬d人民同官員，我問到年份查返果段時間原來係希臘經歷緊大革命定叛亂。另一個case，直頭講得出自己前世嘅名同講到佢全家係俾成吉思汗殺曬，後來查返歷史佢講果個名就係札木合家嘅人。另外都有case講到當時俾個皇帝和親，講到國家名，不過係古代國家名同朝代，我之後對返歷史都真係有呢d記載。

不過大部分人前世都係普通人，唔容易揾到d個案係歷史上記得佢個名。

至於佢地見到d乜，我通常會引導佢地返去隨機一個前世嘅隨機一點，然後帶佢地睇三個果一世嘅重要事件，之後再去經歷果一世嘅死亡，有d簡單嘅事件都可能係零碎片段，但我會帶佢慢慢睇得清楚d投入d就會完整咁睇到重要事件。

巴打算係咩科

即係唔一定剩係睇到前一生？
甚至受催眠嗰個可能係睇到前前生但up唔出上一生
仲有就係靈魂係咪每約100年（壽命）就輪迴一次？會唔會例如唐朝死左，到現代先投胎

催眠師？

你嘅意思係讀書讀咩科？

係呀，有d會睇到好遠古嘅前生，甚至係仲響宇宙嘅經驗，果d一世係幾千年計。

巴打你呢個問題係一個好問題，簡化地答你只可以話死左之後好少會直接再輪迴，因爲靈魂要返去學習返啱啱果世嘅學習重點同埋再揀下一世嘅課題，少嘅用一兩年時間，長嘅可能係幾十年，因為有d共同成長嘅靈魂伙伴未死，佢地等埋佢地先可以再輪迴。
複雜地講就要了解到時間唔係直線咁，即係人其實輪迴唔係1997年死，佢再投胎就會去1998或之後，佢係可以去返1824年甚至更早嘅年代，只係視乎佢需要學嘅課題響邊個年代俾到佢。

梗係唔係
係 前世回溯催眠/法科/密宗/薩滿/New Age/天生神通... 定乜嘢？
同埋，你世界觀裏有靈魂，咁有冇神明？佢哋係乜嘢嚟？

Sor 我唔係好識呢d野

我試下歸類一下我果d係咩，基本上催眠治療師係無任何宗教嘅色彩同背景嘅。一般催眠治療都係用返心理學上嘅理論帶返個案返去過去嘅記憶，䆁放返佢潛意識中嘅情緒，前唔前世對我黎講唔係關鍵，重點係我要引導個客返去揾返果種感覺或者果個問題發生嘅起源。

有另一種比較靈性成分多d嘅係做深度催眠，俾人睇到前世然後再接觸佢嘅高我/指導靈/天使，總之係一種更高層次嘅力量，由佢地去解答個客嘅問題同埋幫佢做一d身體上嘅療癒。

我自己就以上兩種都會幫人做。

有無神明呢樣野我會答你我信，不過我係覺得一定有更高層次嘅力量響度，而佢地有唔同嘅責任去負責處理唔同範疇嘅野，我自己無特別去分咩宗教同咩神明。

嘩 以為你係靈媒嗰類

古代黎講我嘅技術應該係靈媒黎嘅