試問有邊對情侶分手後可以復合？

我嚟俾正能量你
一齊唔夠一年 分手四個月後一齊返
3年後結咗婚

利申：藍絲

我都散咗一個幾月，但依家開始冷靜緊自己，唔再搵佢
因為呢一個月嚟只有單方面搵佢，佢完全無覆過我，成個人係處於一個極度崩潰同埋癲癲喪喪嘅狀態
依家開始清醒，努力緊企返起身

我喺女哈哈。但係唔知點解仲係好想同佢復合，好想同佢一齊，但係知道係冇可能。

係邊同叫分手先？同埋咩原因？

係佢講嘅。都係自己衰講錯野，所以佢講話要做返朋友，但係我問佢點解唔可以俾多次機會大家佢話佢諗得好清楚，佢始終冇正面答過點解要同我分開。後來我問佢嘅朋友，佢朋友話我ex覺得我哋相處出現問題性格唔夾大家需要嘅嘢唔一樣，同埋佢話我ex係想搵一個成熟啲嘅女仔

咁你有無改俾佢睇？

由佢同我講話要分手做返朋友之後佢就再冇覆過我任何訊息，我真係基本上係死纏爛打，成日三日唔埋兩日就發一個訊息俾佢但佢全部都無覆過，一個都冇。
到上星期我就寄咗一封好長嘅信俾佢 ，話俾佢聽我真係有反省過自己嘅問題我會好好努力改變自己令自己做得更加好，之後我就冇再搵過佢。
但係喺封信度，我都有講話我已經唔敢奢望我哋可以一齊返，畢竟呢一個月嚟佢都真係好狠心， 我都覺得自己已經冇機會。

巴打都算好好
起碼佢肯覆你，但係我，佢真係從來都冇應過機，WhatsApp全部都係我單方面嘅發訊息。真係好心酸，見到佢WhatsApp有上線，ig都係在線上，甚至我見到佢會同其他同事WhatsApp傾計(我哋同公司)，佢會應任何人嘅訊息，但係偏偏我嘅對話框框永遠得我單方面嘅訊息。
我同佢一齊嘅時候佢會有藍剔，我可以睇到佢幾時睇咗啲信息，分咗手之後佢連藍剔都收返。

唯有同自己講唔好再搵佢，因為我知道而家我再講幾多野再做啲乜嘢都唔會令到佢注意返我。講真，呢一刻佢個心都已經唔係你度，再講再做都只會令佢反感同埋更加討厭自己，從而將佢愈推愈遠。
可能呢個諗法真係好on9，但係而家我覺得只能夠做嘅就係做好自己。如果真係有機會一齊返自然就會一齊到，只係時間嘅問題，不過好肯定唔係而家。所以只能夠等同埋改變自己。齊齊努力啦巴打

可以啊我加你啦

唔記得咗引用

Long D 佢覺得走落去有好大困難
身邊啲豬朋狗友又係咁慫恿佢

同佢一齊左5年 中間離離合合左3-4次 每次都比佢帽 兩個月內又一齊番 拍9個月至一年 輪回左3-4次 今次又同樣情況 旦佢好快要過外國讀書 唔知仲有無機會

一樣
想搵過另一個