😔哩篇係我地嘅親身經歷分享☹️
話說早兩星期前有個後生仔，話自己係科技大學學生，仲比左份「2018-2019年度香港科技大學學生會冰川社三學生會迎新營贊助計劃書」我地，佢話想我地小店贊助佢地學校迎新營嘅一啲小食，我地諗住大學生係社會未來棟樑，只係少許食物贊助當係幫下佢地，就二話不說應承贊助佢地200隻雞翼。
先說這年青人的態度，其實佢黎到時態度已經不太好，佢簡單講自己係邊個之後，就叫我地贊助佢野食，我地應承贊助佢地，佢竟然一句多謝都無，反而仲話可以幫到我地小店喺科技大學做宣傳😑老實講，如果我地真係想做宣傳的話，實在有大把其他平台啦... 難道佢覺得我地應該要感激佢嗎？
OK！既然應承左就要做，1️⃣言既出，駟🐎難追。
到左今日交貨日子，本來我地約好10:30am交貨，但喺半夜1點幾接近兩點，我地收到哩個年青人嘅Whatsapp話想早半個鐘拎，當時我地已經同周公談緊心💤，到朝早先知哩件事。不過，我地一早已安排好人手，預早2個鐘頭返舖頭預備食物，而同事亦喺10:07am預備好所有食物。我地即時通知左個年青人，佢就只係覆左句ok。一個鐘後，大約11點左右，個年青人仲未到，同事再同佢聯絡，他話安排人手到取，再過一陣問佢，他就一句sorry，另一句cancel，然後就封鎖我地小店嘅whatsapp。
其實我地真係好嬲，點解可以咁過份？佢浪費嘅除左係我地嘅人力時間，最重要係浪費左我地嘅食物同一番心意😤其實真係好感歎，現今嘅年青人（唔係全部，只係指某部分）點解連一點點嘅尊重、禮貌同埋珍惜都唔識。
想問下大家，其實係咪真係唔應該做好人呢😔我地唔係要求啲咩回報，只係希望世界多一點愛，多一點互助，多一點正能量...
小店post傳送門：https://www.facebook.com/626228727731759/posts/703324526688845/
某大莊page傳送門：https://www.facebook.com/%E5%86%B0%E5%B7%9DGlacier-1540936829264055/
