萬眾期待嘅劉德華跨年紅館演唱會「My Love Andy Lau劉德華World Tour-Hong Kong」,本來喺9月4日公開發售,不過連日嚟喺各區嘅通利琴行外已經出現排隊黨,日前喺柴灣青年廣場卻發生排隊斬人事件(新聞連結: https://bit.ly/2wpg2d8 )。
華仔事後亦喺網上回應呢件事,華仔話:「我知好難有個好完美解決方式,所以喺呢段時間入面,我哋會盡量去再跟進呢件事,我希望警方兄弟姊妹能夠幫番全港,保護所有市民。當市民喺排隊過程裡面,如果感覺到安全感問題,就要報警,所以我再一次希望大家排隊過程保持冷靜,注意自己安全,你哋嘅安全,令到我開開心心去表演畀你哋睇。」(新聞連結: https://bit.ly/2PKD7zB )
今日喺城市售票網同紅館嘅官方網頁,為咗導絶排隊黨,破天荒宣佈劉德華嘅演唱會不設售票處買飛,聲明如下:
鑑於近日接踵發生於城市售票網售票處外因輪候購買演唱會門票而導致的傷人事件,映藝文化娛樂(主辦機構)經與康文署及警方協商後決定,基於保障市民的人身安全及維持公眾治安等重要考慮,加上在現階段沒有其他更佳的方案下,《My Love Andy Lau 劉德華 World Tour - Hong Kong 2018》將不會安排於售票處售票,只設網上、流動應用程式及信用卡電話訂購。不便之處,敬請見諒
來源 蘋果日報