有興趣既, 而又有基本攀爬/行山經驗嘅
請務必將以下資料:
pm標題: 冬天山澗
1. 稱呼
2. 電話號碼
3. 行山經驗
群組規則
1. 每個月最少出席一次行山/澗活動, 否則kick
如果有合理解釋(養傷/外遊/返工等) 我地會酌情處理
2. 愛護郊野生態, 做個有公德心行山人士
3. 講野唔串, 收兵/厹即踢
行石澗好處多
1. 生命源於水, 親親大自然
2. 訓練自己既冒險精神同埋勇氣
3. 石澗山水交融, 風景優美
4. 較廣闊既石澗, 可以選擇行水/石/林路, 變化萬千
行澗注意事項
1. 好天先好行石澗! 好天先好行石澗! 好天先好行石澗!
好重要, 所以要講三次
石澗出意外, 好多時都係雨天地滑/山洪暴發做成
2. 一對防跣既鞋
想知防唔防跣, 可以係屋企個浴缸度試下
防跣鞋亦都唔係萬能, 踩落生滿青苔既石頭, 著咩都係跣
3. 其他裝備
防水袋: 以防萬一, 為貴重物品保命
淺色衫褲: 石澗多蚊
手套: 冇咁易比尖石割傷
4. 個人能力
首先當然要有足夠體力攀爬、上落, 基本行山經驗
石澗攀升通常都唔會太高, 但係好多時都要爬上爬落
另外亦都需要良好既平衡力、觀察力、敏捷既身手
仲有就係唔怕水! 如果識游水就更加好
5. 量力而為
唔識游水既唔好跳潭落潭
你係唔會知個潭有幾深, 直到你落左去
另外, 冇能力攀上岩壁既話, 寧願選擇行山路
