LEFT 24 DEAD
是咁的，大約三年前
我開過24人L4D2 Coop Server一排(高登post: 6147520)
如果你有印象嘅話，不過應該冇人玩過小薯ser
之後因為我地就玩晒堆非官方地圖+愈黎愈少人上水
所以就冇再開落去，直到依家
最近，我見隔咗咁耐，又多番D新嘅非官圖可以玩
所以打算重新開番黎玩
不過就唔會之前咁日日開
而係逢星期五六日10點(大約時間)先開波
至於當日玩咩圖就會係discord放download link
主要都係非官圖，甚至會翻炒之前玩過嘅map
由於in-game mic太廢，我地唔諗住用黎溝通用
星期五六日10點 即係今晚10點(26/8/18)會開呀
簡單講下個server setting同埋規則
講明係多人ser
難度當然係set
其實咁多人玩，當然唔少得TK啦
玩落同玩四人專家冇咩分別，真正嘅敵人係隊友呀
所以遇到TK，唔好嬲
我都食唔少，亦唔小心TK到自己友
多屍潮多特感呢D更加係例牌野
冇呢D就唔好玩啦 十幾個打幾隻屍 R痕咩
係咁嘅情況下，個ser係非常講求合作性先過到關(我都計唔到一場會死幾多個，救幾多個)
睇Gameplay1，所以唔比自己一個狗衝去安全室 
即使你單拖衝到安全室都唔代表入到去架
admin is watching you 後果自負
命仔緊要，所以有裝到買野系統
比大家買槍、自救之類
當然要殺下屍、特感賺下分先買到野
其實我係唔想太hardcore，變到太難玩
大家一齊輕輕鬆鬆過關咁樣幾好呀
唔多唔少嘅map都有伏位，唔好自己行咗去，大家一齊行
有伏緊係要齊齊中
最後，我估大家玩得多當然會悶
所以我打算............之後會隨機比幾位玩家做特感玩下
改變下個玩法
玩家對玩家，咁樣個難度又會唔同咗
呢個計劃會做一系列嘅測試先會正式落實
e.g. :比幾多個玩家做特感，特感玩家血量方面又點樣處理
呢D都係要諗好同試好先得，我唔想有一面倒嘅情況出現
整得唔好 咁樣大家都玩得唔開心 無謂啦
Gameplay:
1.論燃燒彈與合作性: https://www.twitch.tv/videos/29566686
2. 論唔好幫自己立Flag嘅重要性: https://www.twitch.tv/videos/36766286
3. 過
4. 論手殘admin處事方法: https://www.twitch.tv/videos/32206368
5. on9真係冇極限架: https://www.twitch.tv/videos/19414636
如果有mic，記得開咪呀
有事叫admin幫手就得架啦
唔係事必要你入嘅，但你要入咗黎先入到ser玩咁解
Discord: https://husky.moe/l24ddiscord
Telegram Group: https://husky.moe/l24dtelegram
歡迎大家加入
我都知大家會tldr
