[移民L] 移民去邊可以keep 住香港身份？（雙重國籍）

台灣就已經可以啦, 唔洗放棄HKID

巴打高質回復，thanks!

學到野

錯喇，你老頂因為冇退中國籍咋，退左的話，3年一定要返香港一次，否則取消「唷永久」status。取消左唔會主動通知你。

錯得好緊要，唔好水人地啦，等下面d人仲以為你高質回覆

根據入境條例，香港永久居民身分證持有人，話知你邊度出世，如果退出中國籍，或者本身唔係中國籍，倘若取得香港以外其他地方居留權，並且離開香港超過36個月都未返過黎香港一次，就會喪失永久status，呢種喪失係唔會通知你嘅，往後雖然拎住張「香港永久居民」身分證都好，都依然只係「香港居民」。

雙非單非之所以一直keep住「永久」status，係因為佢係中國籍。

但永唔永久居民都唔係特別重要，因為日後有機會拎住個U code (unconditional landing)，同永久居民無咩分別。但詳細真係要問返移民局好d

同埋我朋友發夢見過
個香港中國籍人士去左新加坡做野，拎到本passport 做埋退中國籍 佢仍然有永久居民身分，係張身分證到少左三粒星

3粒星 =/= 永久居民
3粒星 = 中國籍永久居民

究竟呢啲資料係邊度睇？ 😂
好似好難搵咁

段嘢入面咪有keyword囉
google都懶

咁護照呢？

大家要搞清楚：中國籍同***係兩樣嘢，無必然關係。

***：香港永久性居民，即係「真香港人」，有近乎完整香港公民權利，可以無條件進入及逗留香港，有不被移除及遞解權利，亦都有選舉權同被選舉權。

但係呢個「永久」唔係必然，如果揸***嘅唔係中國人，3年無返過香港，就會自動消失，降級做入境權（無得投票）。

中國公民：代表你係「中國人」。留意中國唔承認雙重國籍，但係人大為香港釋法，將香港人嘅外國護照「視而不見」，只當作旅遊證件。

中國香港護照：要係有***嘅中國人，即係中國香港人先攞得，因為護照代表國籍，香港係中國嘅一部分，只可以發俾中國人，中國授權香港發護照俾有***嘅中國人。

BNO：係英國發俾香港人嘅一種身份，只可以香港淪陷前申請，無任何地方嘅居留權，但係有香港居留權或入境權先會發。

新移民：係堂堂正正嘅中國人，但只可以揸「難民」旅遊證件CI去旅遊。因為內地戶籍已被註銷，唔可以攞中國（內地）護照，但喺香港未夠7年，未有***唔攞得中國香港護照，咁即係乜護照都攞唔到，咁只可以申請CI。

香港人走佬：攞咗外國護照：中國國籍法規定，「定居外國的中國公民，自願加入或取得外國國籍的，即自動喪失中國國籍。」，但係香港政府會將外國護照「視而不見」，需要申報先可以取消中國籍（即取消中國香港護照）。

特區只係for 中國國籍

咁BNO算係中國籍定英國籍？
如果係特區護照係代表中國籍，入籍其他國家之後係咪就唔用得？

中國唔視BNO 為國籍，係中國地方不受領事保護同視為中國國籍。但係外國範圍，BNO 為英國國籍嘅英國國民，受英領保護。

只要香港人唔主動申請退出中國國籍，中國會一直默認你係中國國籍，無論你有幾多本護照。有事時視情況決定你係中國人定外國人。