致Freshman同唔係Freshman既你: 關於Ocamp既幾點備忘

時值ocamp季節，一街都係揹住索繩袋嘅大專新生。黎緊係筆者係大學阻住地球轉嘅最後幾個月，感覺係個講下ocamp嘅好時機。因為Year 1-3時難免太沉醉係個種氛圍裡面，再過兩年講又嫌太脫節無資格。（今年嘅freshman已經係00年，係難以置信，唔認老唔得）老土嘅擴闊圈子識人抄功課就唔特別講喇，講左都無人睇，反而想講下關於ocamp嘅幾件事：

（一）
年年網上都好多人話一生人一次嘅答案係除眼罩，中四個時開始聽人講聽到就黎U grad。實際上咁耐以黎都無聽過真係有人玩呢個遊戲，我強烈懷疑呢個只不過係一個都市傳說。

有個講法係個Game係又一城個邊嘅特產，我都冇辦法考究，不過一生人一次個Game嘅玩法（根據描述），真係當Black magic玩又戇居，當mass game玩就更加係lame到無倫，所以我真係唔係好信。

（二）
又，真正一生人一次嘅事真係莫過於去ocamp，我真係認為，呢種戰戰兢兢但又好期待嘅year1心情，係人生其中一樣好美好嘅經歷。呢種好後生、咩都唔知道又十分好奇嘅刺激太難得，因為一兩年之後咩都見慣嘅你已經對迎新營嘅前世今生瞭如指掌，個種老練都已經令你番唔到轉頭。

（三）
師弟臨近入營，Whatsapp我，好擔心咁話：「成日聽聞ocamp會好淫亂玩得好癲，我驚我唔係太習慣。」

其實以我所知，八大嘅ocamp應該都係相對正氣，尤其唔係由Hall（咳咳…Kong U舍堂文化…咳咳）搞嘅ocamp 都應該係健康同唔會過界嘅，因為有學生會睇著。

真係比較參差嘅應該係asso/hd課程嘅ocamp，呢方面實際係點就唔係太清楚喇。其實驚蝕底都輪唔到你驚，莘莘男學子其實應該失望ocamp太正氣至真。

（四）
有兩個唔同朋友都讀男女比例一比九嘅科——九個女先一個男。朋友A嘅ocamp分組係每組都維持九女一男嘅比例，合理吖，其他科嘅朋友聽到都只可以流口水（我可能、或者、有機會、都有少少同感）。

朋友B個學系支莊，用佢嘅講法係「由一群尼姑」控制，佢地ocamp係將新生分開十組，九組係每組都係全女仔，剩底個一組全部人—連埋組爸—都係有棍嘅。我唔可以透露呢個朋友讀嘅科系，不過佢有機會上堂個時主要係學點樣照顧病人嘅。

（五）
係中大，每年迎新營營期都有個好有趣既現象：俗稱細o既學系迎新營按學系有唔同營期，唔知點解每一年商科生迎新營營期個時都一定係落雨咁滯，上年仲直頭打大風添。根據天文台既推測，睇怕今年（八月二十至二十三日）都唔例外，唔知係傾數既時候有無考慮過呢個問題呢？唔怕提埋，年年商科生完camp 之後第二日都要一早起身reg科，九成人完camp後都再收多一份紀念品：黑眼圈一對。又話說年年中大BBA 係風光背後都例牌有D莊同莊之間既亂局，圈子政治林林亂咁，聽聞今年開始有唔同？

（六）
當年係營入面一齊最長時間個幾個人，對左三四日時間，出camp之後就無咩半句。有一日係campus度行嘅時候有個人好熱情咁同我講左好多句野，我有少少呆左--認唔出呢個人，跟著落黎佢講嘅野都已經聽得唔太清楚，個時其實都覺得幾慚愧。

反而最傾得埋Keep得最耐嘅係camp入面對左四五個個鐘個幾個人。好似大個左之後，識朋友再唔係咁易，好似以前咁同班日日對著就Friend得起黎，人夾人原來唔係講講下。

人來人往，係大學教識我嘅第一樣野。


後記：其實應該可以寫既仲有好多，依家只係好快咁將腦海入面既野直接寫出黎，有機會再寫多啲。唔同學校既新生同黎緊考DSE既學生都可以Follow筆者個Facebook Page1，黎緊仲會寫下關於大學生活同唔同方面既野，而中大既師弟師妹記得一定要Like中大資訊Page2同bookmark佢個網3，好有用——我申報自己除左當年自己用過之外同呢個Page無任何關聯，只係佢地既資訊真係好有用，亦都係一班好有心幫新生Update資訊既人。

(1) 異彩Facebook專頁：https://www.facebook.com/adifferentcolorwriting/
(2) 中大資訊Facebook專頁：https://www.facebook.com/infoCUHK/
(3) 中大資訊網址：http://cuhkinfo.blogspot.com/

閱

我覺得又一城人先有資格講ocamp

一生人一次唔係都市傳說 薄大fm表示玩得一個ocamp都已經中咗呢個遊戲

咁你有冇即刻除眼罩呀？

真係第一次聽，OK

一生人一次點會係都市傳說 仲有唔同版本囉好冇

想知請講

啱啱挽完個版本係 全世界要合埋眼
然mc會叫你諗下你大學呢四年到底想成為一個點既人 讀大學到底為左咩 想自己有咩改變
之後諗完要舉手 其中一個組爸媽會行過去你身邊 你要同佢講你自己既諗法 之後佢會比建議你同開解你
個遊戲要所有人舉哂手分享左先有得完
個人認為成個ocamp最有深度係呢隻game

上年咩時候有timetable?

屌，去錯po

根本係得ass hole 啲ocamp先邪氣十足
啱曬永遠唔讀書既垃圾玩
大學要讀書 邊似班垃圾日日玩得咁happy

挽你老母

打咁多字就係sell個page

（五）
中大商學院真係一個笑話⋯

利申：舊年因爲打風爭啲無等跳night gath