作為走在世界尖啄嘅香港人，連睇成人動作片都要夠高科技，咁先至係潮。費清講緊嘅，係全世界最大網上色情影片平台Pornhub發表嘅2016年回顧，話自從舊年4月新增Virtual Reality虛擬實景頻道，兼夾送出1萬副VR眼鏡之後，發現亞洲人睇VR鹹片嘅比例超英趕美，其中中國名符其實「大國勃起」排第一，第二係泰國，而香港呢就排第三。
Pornhub話喺短短9個月內，網站VR鹹片總數就由30條激增到超過1,800條，去到年底已經有3,800萬瀏覽次數，增長相當驚人。而睇返所有色情片情況，Pornhub過去一年總共錄得919億影片觀看次數，平均每秒就有729人睇緊，瀏覽時間達到45.9億小時，即係等於5,246個世紀，計返仲長過人類喺地球出現嘅時間。
究竟咩類型嘅鹹片最受歡迎呢？Porn話舊年最多人Search嘅Keywords係「lesbian（女同性戀）」，其次係「step mom（繼母）」，而第三呢係「MILF（Mother I’d Like to Fxxx）」，即係性感火辣人母。原來，全球嘅戀母情意結真係好嚴重......
至於最多人搜尋嘅演員呢，第一位嘅Lisa Ann同第二位嘅Mia Khalifa都係成人片女星，而第三位可能一般人都識，就係美國真人騷女星、說唱歌手Kanye West嘅老婆Kim Kardashian。
大家咪以為只有男士先至會睇鹹片，根據數字原來Pornhub有成26%訪客都係女性，最鍾意嘅類型分別係「lesbian」、「lesbians scissoring（女同性戀者嘅某一種體位）」、「threesome（即係3P）」。
睇完呢堆Big Data，相信都唔洗費清再解釋咩叫「食色性也」。但長氣都要提一句，千祈千祈，未夠秤嘅小朋友都係乖乖哋去溫書啦。
