有冇巴打去過甘肅？

成個旅程大約洗左幾錢？

想敦煌至蘭州？定係甘南？
火車定高鐵？定係包車？
日子長短？

係咪好似有直航去？
想去睇張掖地質公園
5-6日姐

以前 uo 有直航去蘭州，已經無咗好耐
如果想直航，依家應該要深圳飛蘭州，來回一般二千左右
如果坐高鐵由蘭州去張掖就三粒半鐘左右，經西寧，大約170hkd
如果火車就六個半鐘，大約85hkd
張掖市區同丹霞景區有一段距離，一般包車一日遊或者坐班車都可以去到，景區有幾個出入口，睇你想睇晒定睇邊一部份

歡樂甘肅

巴打去過
想問治安係咪都ok?

咁轉機去甘肅機場 又近唔近張掖個位

無乜遇過啲安全問題，反而係好多安檢，好煩

堔圳上機煩唔煩 我睇到香機有得西安轉機甘肅

甘肅主要機場都係蘭州嗰個機場了，甘肅其他機場多數都要經蘭州再飛去，所以巴打都係到咗蘭州再轉高鐵動車組好啲

蘭州機場有城際鐵路直出蘭州/蘭州西，兩個都係高鐵沿途站，可以即刻坐高鐵去張掖西(近市區)

深圳(或者話所有大陸機場)check 行李會嚴啲，同埋要留意尿袋一定要寫住係幾多，唔可以過20000

不過其實你之後回程都係大陸(蘭州)上機，所以深圳上機最多係預多少少時間安檢，無乜大分別，無乜話麻唔麻煩

反而你香港上機，西安轉機，蘭州落機，即係由國際航班轉內陸機，要係西安搞入境手續，巴打要就番轉機時間夠唔夠、 delay 有無手尾跟嗰啲問題

姐係直飛蘭洲好啲？

我自己會咁簡 因為飛大陸成日 delay ，唔想第一程機 delay 完要驚住第二程機點搞嗰啲

至於係咪好啲就好睇人，
有啲人覺得香港坐完火車過關，之後又要轉地鐵或者shuttle，先到機場好煩

雖然香港有幾個地方都有直通車直接去機場，但屋企附近無就唔方便坐之類

咁巴打全程用左幾錢？ 計曬住宿交通飲食

因為我去埋敦煌同新疆嗰邊，所以比唔到啱用嘅資料巴打

想問吓巴打敦煌個邊你行程係點？

cut 番敦煌個 part 黎講，

day1
早上 吐魯番北 > 柳園南 (動車)
中午 柳園南 > 敦煌 (接駁巴士)
下午 敦煌 (住鳴沙山附近，個條村叫月泉村，一出門就見到鳴沙山)
下午 鳴沙山、月牙泉 (四點玩到天黑 ，p.a. 中午至四點會極曬，巴打如果想全日玩要做足防曬)
晚上 月泉村食飯

day2
早上 最早一批去莫高窟，8點入場玩到12點左右 (要提早 book 飛，我第一批去拎飛嗰時，有人即場想買，售票員話今明兩日都賣晒飛，而且唔會有得 walkin )
下晝 敦煌市 hea 到 4點幾
下午 至 晚上 敦煌 去 嘉峪關 (火車，非高鐵)
晚上 嘉峪關

btw 莫高窟越早入場好處係：
每一批人，一開始要跟住導賞入去九層塔範圍。
佢會開八個洞比你，導賞完咗，收咗耳機。之後，你想喺範圍入面玩到幾點都得。
而你入去個下，係無得唔跟導賞。原因係啲門係閂實，你無得自己開入去睇。

而早到嘅人，交完耳機，唔直接去出口嘅話，係可以跟之後批次嘅人，入唔同嘅洞再聽再睇 (除咗最主要嘅九層塔 同 臥佛，其他洞嚟講，每個導賞開嘅洞都唔同)

睇夠先走都得，所以睇定邊幾個烔係有興趣，如果你個批導賞無去，都可以係洞口碰下運氣睇下有無其他導賞之後開門入去，尾隨就得。

有啲人會留耐啲，玩埋敦煌東/西線，但好多都係得番個墩 (e.g. 陽關) 或者 新疆有類似地質 (e.g. 魔鬼城) ，所以直接 skip jor，巴打想去嘅話大約留多一日包車咁

thx啊巴打。