見到新聞有報+fb有page講開
大家有唔同立場，到大家接收到嘅資訊可能有扭曲左，咁我都分享少少第一身嘅經驗啦。
竹6月到瑞典，8月申請到personal number，之後先可以再申請銀行戶口。
老實講係呢邊嘅人大部份都已經用咗唔同嘅方法解決「所謂既問題」，講出嚟純粹係想政府修補漏洞，同埋提醒之後打算嚟嘅人。
整各樣証件就度度都要嘅
喺呢度我就集中講申請稅號嘅問題
想申請用作交稅嘅「稅號」有兩種：
一：Personal number (包含人口資料，可享福利，可用作交稅）只要你逗留瑞典達一年或以上就可申請
二：Co-ordination number（只用作交稅），只要有工作就可申請
常見問題一：持working holiday visa嘅香港人是否符合資格申請personal Number？
答：瑞典官方回應不統一
，有回應指personal Number係唔會批俾持有workig holiday Visa嘅人；亦有唔獲批嘅人得到回覆話，因為起簽證開始嘅日期之後先進入瑞典，所以逗留喺瑞典唔夠365日因此唔會批。據瑞典駐香港領事館嘅說法，瑞典係唔會批personal number比持有working holiday visa嘅人。問題係兩邊各有說法，而係瑞典申請personal number成功同失敗嘅個案參半，亦睇唔到所謂嘅批核標準。
常見問題二：申請Co-ordination number程序
答：需要先找到工作，然後帶着工作合約到Tax Office申請。困難在於當地人以及僱主都唔熟悉Co-ordination number，大至zara等公司都唔肯聘請冇personal number嘅人，亦都唔肯先同你簽約比你申請co-ordination number。
冇工作>冇number>冇工作
常見問題三：瑞典人做嘢效率極低，除左慢仲好19，你整張permit卡正常一星期收到。當你三星期仲未收到去問職員，職員會叫你去報警
What?去報警？你知唔知自己講緊咩？同類既19野太多太多...其實第一年開，大家都冇攻略話要點樣做。
第一年就過尼嘅人都係開荒牛，就好似打機唔睇攻略咁，又有另一種快感。
我好彩喺呢度搵到個絲打，入咗個group，大家一樣處境可以互相交流得到嘅資訊。
官方話你銀行存款需要有15000瑞典克朗（大約港紙13000），但其實一個月租金加按金已經差唔多冇晒，所以要預備多啲錢（無論係信用卡銀行卡定現金），要留意瑞典至今仲未有支援銀聯嘅櫃員機。
你問我點解咁慘都仲留起度唔番香港？
我覺得一生人冇咩咁既機會可以出走，都需要d衝動先成事，過到嚟亦唔想輕易放棄，最多最壞打算都係買機票返香港，冇咩可以輸。
呢邊嘅工種不外乎sushi bar，精品鋪，hostel。其實working holiday都係想又work下又holiday下，賺夠錢就走。同埋生活又係同香港完全唔同，體驗下唔同既生活方式都冇壞既。
睇到起新聞下面留言嘅人，真係想講唔該積下口德啦。
有咩問題可以起度問，未必答到你，答到盡量答。
