20 歲 嚴重脫髮 好影響日常生活，有冇得救 (恐怖圖慎入)

不如放棄無謂掙扎，剷光頭啦。
與其浪費金錢去植髮，不如攞啲錢去打扮下自己。

你諗下，你依家咁年輕，身邊嘅朋友好快適應你嘅新形象，新認識嘅人又會習慣你嘅形象，好過你30歲先咁，同事又笑，舊同學又笑。

光頭要戴CON，唔係4眼好柒..

老佬光頭好common，因為高大，唔覺有問題
亞洲人光頭好異相

我就受頭髮濃密之苦每2星期就要剪頭髮

食保記喇~我同你差唔多年紀個時 都已經甩得幾嚴重， 食完保記之後慢慢生返，家陣25歲都仲keep到叫見得下人。

印度版保康絲，香港註冊，好過買水貨
醫生fd建議用洗頭水

有冇藥物推薦?
可以自己去買

叫咩呀

有醫學認可有效得5%同保記
所以睇西醫佢只會叫你食保記同搽5%

至於其它products e.g. 洗頭水/養髮液/口服保健品/激光梳，全部自稱有防脫/生髮效果都係無醫學認證

中晒 要點搞呀大師

睇中醫，其實有好多人話睇大夫冇用，只因為佢地嘅作息同飲食都冇配合，中醫幫你調理腸胃，你又不停咁飲凍嘢食魚生，所以先至冇用，中醫同你補肝，你就日日煙酒毒夜瞓，當然冇進展。調理好身體先再食生髮嘢，做生髮療程，洗鬼等三個月先見效，個半月已經有黑毛仔出返黎，仲好密。

戒生冷，奶茶，濃味，盡量避味精，晚上11瞓著，早上7點食個熱早餐，戒打丁，飲多水，食煙對頭皮微絲血管幼嘅人不利，二手煙避倒就避。睇中醫治好氣血，脾胃，加飲水，頭油自然少。一次過養好身體，先黎食生髮產品，好簡單嘅維生烏絲素，加捽薑，幾撚快爆髮。 一定要做運動，最少跑到令自己心跳快同氣喘就得，因為生髮需要血液加壓。

果d食生髮食品食咗成年先見效嘅人，多撚餘，又浪費錢。 自己衰乜仲未知。

其實甩髮最勁係打丁加久坐加夜瞓加早上凍飲。 我以前做宅男就係勁甩。

利申：脫髮經驗，睇中西醫，睇專科，生髮產品自我測試多過成幢樓嘅人，綜合黎講，都係身體強壯先係最有效，我依家40歲，除咗年紀問題髮線後移，頭頂仲未見光，比後生時頭髮密。 就算植髮，身體差一樣keep唔住，仲要長期食住藥都keep得好拉邊。

至於情緒脫髮，則不在此例。

請問喺邊做專業深層清潔頭皮護理？幾錢一次？

有無食保記/搽minoxidil？
睇中醫是但一個ok？

biomed


riup x5


不用謝

藥房買保就係咪平過診所買？

我都係廿年前出事，邊有咁多生髮嘢宣傳，果陣剩係知維生烏絲素。中醫求撚祈搵樓下煲藥中醫，睇咗一個月倒，初初日日睇，慢慢懶變成隔幾日睇，再中後期覺得自己有返活力，慢慢冇去睇。

中醫只係幫你快d回復健康，如果你生活習慣跟住養生之道，就算你唔睇中醫，三個月都可以自己矯正返做健康身體。如果你唔檢點生活方式，俾個勁中醫你都冇用。

我身材肥胖，辦公室工作，日常少做運動，頭油多，雖然唔係幾buy維生烏絲素呀薑呀果啲嘢，自己食緊保記同搽緊min，不過一於去睇中醫調理吓，就算頭髮冇多到都起碼叫做身體好咗！

不過我成世人未睇過中醫，但要日日睇架？我以為睇一次比啲湯你飲過一輪先返去睇

久坐人要做運動做到肌肉實心肺強返少少啦，做運動都係養生之道

其實長期病要日日 好多人都只睇一次 兩日藥就算 感冒就得，調理身體唔可以咁

我二十歲已經M字額 唔可以all back
做深層頭皮清潔有冇用 一次幾錢到

30歲已經M字額
食緊保記，但唔係日日食，覺得幾貴，係咪無咁好？

係要日日食