比女朋友話我樣衰 點算好

樣衰成個人生都唔同 行得好唔開心 有冇人明
我知我樣衰 襯你唔起 但我唔想聽到我鐘意既人話我樣衰 個種感覺好痛
你之後問我係咪唔開心 我話冇 唔介意
其實我好介意人地點睇我 尤其係你
你d fd點話我 點諗我都好 我唔想知 我只係在意你一個

分手啦
遲早的事

多謝你 我明

佢同我講佢睇樣 鐘意靚仔 我冇樣唔洗介意 唔洗自卑

所以真係無謂執著係啲自己改變唔到既野 花多啲精力進步其他方面既野
好似我上面講個啲 身形 衣著 性格 待人處事 知識 呢啲
加油喇 你自己都唔愛自己 邊吸引到人地愛你阿

有d野大家知咪得

生成咁唔想見人 有試過改善 反而仲衰

我會試下 希望唔好仲衰

巴打好多暗瘡？

親口同你講？

少少咁啦

藍絲

一開始識我男友覺得佢好樣衰 諗住成世都唔會鐘意佢
相處得多開始對佢有好感 後尾同咗佢一齊
我有時都會笑佢樣衰 豬膽鼻
但係佢知我心底其實唔介意佢個樣係點 如果唔係都唔會同佢一齊4年咁耐
事實係佢仲有好多其他可以欣賞嘅地方

我都會有我理想型嘅男神樣 但係一樣幻想出黎嘅野真實唔會存在
更何況幾靚仔都會有望厭嘅一日 老咗都會變皺皮
相反 我望住我男友嘅時候會有一種好親切熟悉嘅感覺 望住佢個樣=望住佢性格係點 如果你明嘅話

樓主女友講還講 唔顧你感受先係大罪
就算樓主真係咁樣衰
佢大可以話 樣衰又點 我鐘意咪得囉
同緊你一齊又要踩你 講到同到佢一齊係樓主恩惠咁好乞人憎 真係咁樣衰接受唔到咪分手囉 好委屈佢咁

樓主應該要同女友直接講 其實你都有感受 聽到佢咁講係會唔開心
如果你甘心成世比佢食住就咩都唔好講啦
或者飛咗佢搵個識得欣賞你嘅人

佢事後有tum番我 但我之後再講樣衰依個問題
佢會發嬲 block哂所有野

佢講左好多hurt我既野 第日話係專登激我 唔係真
我都會唔開心 個心有條刺而佢就覺得我太介意 佢鐘意我就得

恆定做gym減肥帶氧運動、負重訓練（唔係得閒去兩次個種），最盡一個月剪一次髮gel頭，面部清潔做好，最緊要個人乾乾淨淨，試下著衫花下心思，又殘又舊衫唔好著，如果有做開gym可以著得收身d, 試下著皮鞋或者有d款嘅鞋（唔好下下去uniqlo、馬拉松、運動家買）揀香水噴，影多d相練習下點笑得好睇，個人品味同自信做返好，個人就會charm, 都會唔同左樣。


你有咁上下高度，柒極有個譜

佢講左好多hurt我既野 第日話係專登激我 唔係真
我都會唔開心 個心有條刺而佢就覺得我太介意 佢鐘意我就得

你都未發嬲block晒佢 佢憑咩咁做？
有時你唔比佢知你都有情緒 會嬲會唔開心 反而佢會更放肆
你feel唔feel到佢係咪真係鐘意你先
想行得耐都係要溝通架姐 唔好覺得自己係男人冇面 你都係人 都會有情緒 除非你忍到啦...
佢做咩專登激你 你做錯事？

樓主要調整下自己心態,隸衰係絕症我明,原因唔駛講啦.
不過樓主條女既然肯同你一齊,即係唔介意啦,甚至睇慣左.笑你樣衰可能只係手到拿來既GAG
樓主真係接受唔到既話咪極嚴肅既態度表達你既心意.都唔得就比你條女電話我

話我煩 係都要講番樣衰果d野
佢話左佢唔介意 鐘意我 叫我唔好諗咁多

樓主可以做多啲運動令自己charm啲
但主要問題根本係佢女友心態
做多啲運動charm啲又點 永遠唔會達到佢理想型嘅樣
到時咁辛苦改變咗自己 陣間樓主條女繼續話佢樣衰 盞自己唔開心
所以你記住做咁多野唔係為咗其他人 係為咗自己
將自己變高質啲自自然然會更加吸引

條女唔係要charm 係要靚仔
要靚仔就算 又要揀個樣衰嘅
揀個樣衰嘅都算 仲要咁講野
特登激你唔係一個可以忽略你感受嘅藉口

聽日親口同佢講清楚

話我煩 係都要講番樣衰果d野
佢話左佢唔介意 鐘意我 叫我唔好諗咁多

你話講返樣衰呢個問題係因為你真係好介意
佢係咁鐘意你就唔會想你唔開心啦
其實佢say返個sorry講下次唔會笑你樣衰咪得
你條女好要面？