（求分享）汽車保險一問

是咁的小弟早兩年前有單車禍比人隊屎忽
咁小弟架車係買全保既 對家亦都係全保 當場已經話唔負責叫我追佢保險公司，咁經過完警察啲例行程序，法完判埋佢不小心駕駛罪成。
期間保險公司收左我墊底費就幫我找左整車條數

咁隔左一年我就追我間保險公司（昆士蘭），有冇幫我追番對家攞番我啲墊底費，點知佢話對方保險公司話投保人無交墊底費 無續保 所以佢地唔會回應我地

之後經過商討下決定入小額錢債，了解完之後發現完來對家一路唔比墊底費 唔攞自己名出車 我地係一路催佢唔脹

有冇熟汽車保險既Ching 可以分享下

幫推

比保險公司嘅墊底有得拎返

留名學嘢

留名

留名等高手回應
平時最中意寸人果幾個今次點解唔見曬

件事係喺對家保單有效期內發生, 就算佢無交墊底, 對家保險都要賠俾你先, 佢地自己有責任再追討對家車主墊底費。

保險踢保要先賠後追返車主，只會喺涉及人身傷亡下先會發生。

純財物損失，對方保險無須咁做

如果買全保，責任在對方，保險會代你向對方追討（但唔包生仔㗎）

保險狗我覺得通常追左賠左都話你知人地唔肯比

咁嘅情況下，你自己間保險公司應該做緊嘢去追，因為減左你嘅墊底，昆士蘭損失應該高過你，佢都比你緊張。一般來講保險公司會喺服務立場幫你一齊追對家錢，如果你自己入稟小額追後車司機，昆士蘭會放返手比你搞，之後亦都完全唔介入你嘅追討行為，你都唔會得到佢地協助。

但掉返轉，就算你獨立左自己追，根據保單條款之後昆士蘭追後車個陣你都要協助佢一齊追。所以無謂拆開搞兩次，出兩次庭都幾煩。但我明白，昆士蘭做嘢真係唔快，全行都知... ...

但如果樓主唔急嘅，可以等昆士蘭追後車錢嘅時候一齊行動，有保險公司傍住點都好啲。

最後，保障返樓主利益，記得搵自己保險公司Claim狗做嘢追後車個陣客氣啲，好多行家壓力大都會有啲小器，拖返你三四年先追都做得出(民事非人身傷亡索償要喺六年內提告，拖你Case佢都唔會損失)。

至於後車間保險公司幫唔幫後車賠，已經係後話，因為法律上你唔會追間保險公司，你只係追後車，而後車將件Case pass比佢保險公司處理，法律上後車間保險公司無欠你地，不過當然，佢地嘅保單責任糾紛唔影響你同昆士蘭追後車法律責任嘅權利，你地提告個陣一般都會拉幾個人落水，包括

1. 後車司機
2. 後車車主
3. 後車保險公司

利申做Claims，經驗唔多。

咁做file 個account balance 會唔夾數，點close file
點 過 audit

GI Claims 最想做嘅係搞掂個file 然後close file 下一隻

Claims 同荷官無咩分別，贏輸又唔關我事。但賠錯就仆街喇（賠錯指應賠唔賠賠埋唔應賠賠咗）

。踢claims 我又無獎，仲要寫薯仔文。

係，寫報告/出信Decline 其實可以避都會避，一來信唔易寫，二來一出左封信就同個客對立咗，後續應對其實都幾費神，如果夠文件批錢，我相信好多 Claims 行家都寧願快快手出左支票佢 Close File

成間公司每日做過千隻Claim，甚少公司真係會掐住盤數叫Claims 員工盡量踢Claim得失個客。要掐數都係掐 Third Party，尤其車保，經古惑Recovery Agent入個啲作到條數老連咁大，唔Cut 真係過唔到Audit...

所以拎返墊底係全保至有

咁你唔買全保，保險都唔駛賠整車，咁即係唔會收你own damage excess ， 咁追乜7？

全保（前提係你有報保險同你保險公司幫左你賠自己架車損失）：
嚴格來講唔係你自己間保險公司比返墊底你，係你保險公司同你一齊追有錯嘅第三者。追唔追到就睇點處理。

第三保：
保險公司無參與到你架車損毀嘅賠償，順理成章佢唔會幫你追墊底，一切損失、追討行為自己負責。

我都係第一次買全保
利申：以前三保炒過比左墊底拍拍蘿友就算

比唔比你續保？加你幾多保費？
有部份細啲嘅保險公司一出事，幫你賠完個次大大獲，就唔續保

炒係6-7年前啦