有無單耳失聰嘅人分享下生活點？

小弟一出世左耳就聽唔到嘢，得右耳係聽力正常

身邊朋友其實完全無點察覺—— 自細讀書幾好，大學畢業之後都有份穩定嘅工作，又有女朋友，所以自己本身都無覺得自己左耳帶來咩問題。一路唔會同任何人提起呢個缺憾（除左女朋友），一來唔想父母擔心，二來好想證明自己同正常人一樣。

但最近因爲工作需要多應酬，又多聯誼關係，無辦法唔勾起一路以來嘅鬱結：

例如一大班人食飯/做嘢嘅時候，我聽大家講嘢好辛苦，好多時根本聽唔到個話題，完全加入唔到。更加唔洗講嘅係就算我轉個頭270度向左其實都聽唔到左邊人講咩，然後成餐飯其實壓力好大
例如好多人會話我反應遲鈍。我唔係特別醒，但好多時只係聽唔到，所以我到宜加最善長嘅社交人數都係四個人以内
例如打波嗰時，隊友係左邊叫我傳波我無反應
例如每次買耳機都會覺得蝕一半錢
例如自己好中意運動，但因爲耳仔關係一路唔敢試潛水跳傘，怕氣壓。

其實仲有好多好多……我知道自己其實幾好彩，人生其實已經順利過好多人，上來講主要想大家知道社會有呢一班人存在，可能大家平時都唔會察覺，佢地一樣會打飛機。當日後見到有朋友次次行行下街都走去你左/右邊就知點解

有無同樣問題嘅巴絲？大家一齊吹個水

左耳突發性失聰，慢慢好返緊，不過仲有耳嗚，已經一年

其實一開始會唔慣，問題就不大，不過由於左邊弱啲，聽嘢會集中用左耳聽，久而久之一有人講嘢大聲就會覺得好嘈

身邊有三個朋友都係得一隻耳聽到
生活完全無問題
亦從不介意俾人知

好似好多人左右耳聽力都唔平衡？不過突發失聰應該好sad

驚囉，之後啪兩星期類固醇，好返好多，仲有四五成，不過後果係爛面+超級水腫，又斷斷續續搞咗半年，家下就六七成

但一開始識自己主動講？有時唔知咩時機講會比較唔odd

可能想太多

呢個咩好處來 講電話應該係用把口？

BTW 都幾羡慕d 人講電話要遮住第二邊耳 有時都會扮下

我就雙耳中度弱聽
成日一班人傾計我都係聽唔清佢地傾咩加入唔到
所以唯有扮毒扮少出聲
更加習慣左鍾意一個人食飯 怕social
其實我好撚talk得㗎

有個朋友就細細個認識的，佢一黎就講
另外兩個就大學識，一開始喺佢聽唔到果邊講野就同我講佢聽唔到，叫我去另一邊講。
朋友其實無乜所謂

其實真係五介意，我係右耳完全聽五到，只係有時右邊既人叫你聽五到，同埋分五到咩方向。不過有時d frd會五為意講左句你聾架？叫你五應。不過會即刻講sorry

Btw~~我都想玩潛水

唔係想冒犯 點解咁多失聰人使都好惡同對人好差
佢哋好似覺得大家一定要幫佢買嘢 唔買就好惡

所以比錢睇dolby atmos都係蝕錢

有冇聽六到 聽七到 聽八到?

佢哋用手語

介唔介意講下點解會突然咁？ 做嘢定感冒？

怕無啦啦聽唔到

呢個好處真 之前係外國hostel 訓側埋一邊訓唔怕其他人鼻鼾聲

我都係一邊聽唔清楚
前幾年突發聲 右邊耳仔 長期耳嗚
睇醫生又搵唔到原因叫我習慣佢 宜家等返3分1聽力

一開始好灰架 覺得點會咁
同埋好唔習慣長期耳仔有聲

冇咩點同親人同朋友講
唯有慢慢接受

壞處就係
靜得制個人心情差個耳鳴聲會搞到訓唔到
如果有人右邊同我講秘密細細聲我係聽唔到
同埋返工有時D人係好遠叫我都係聽唔到

好處就係
屋企人係廳開勁大聲電視 我左訓就聽唔到任何聲
或者打鼻鼾 行雷都係用呢招

放鬆d la 巴打 可能佢地用力d 做手語姐