我入左行先得幾個月就放我一個睇住個盤
對住風火水電煤咁多個行頭...
是否正常
？以前係大樓做藍領(當然係𡃁仔啦)果陣
會有墨斗王彈晒墨比自己做
依家轉左做裝修盤
冇墨斗王
我依個科文就要跟住𢭃木佬彈墨
跟下現場啲數同圖紙有冇出入...我都明係職責一部份黎
但得我一個科文
跟得墨黎
地盤其他野真係分唔到身去理
如果去左理其他野
例如有其他師傅問野走左去答
返到黎又未必跟得返啲墨
再唔係就係依邊彈緊墨
第邊有師傅已經埋位做緊野跟住做錯
最後大佬黎到就問我點解師傅會做錯呀
你冇睇住啲師傅做野嫁咩？
又或者同客開會我大佬無端端指住條墨問我依到點解會改左
又或者個客問我野
我大佬唔幫口不特止仲問我更加多問題
跟住我就一臉茫然...
同啲師傅夾野
佢地會問我啲野點安裝
依part我又唔係好明
以前我做大樓
未見過啲師傅會問返管工轉頭啲野點做
係咪因為大樓同裝修既完成品性質不同？
佢地又會問我啲野點收口
依個時候我真係收口 唔識答人
我覺得自己真係好廢
乜都唔識
好想逃走
師傅問自己野
冇一樣可以確實答到人
真係好驚一陣答錯人
啲野做錯左又要改
大佬呀
我先入行幾個月
你就丟我一個係地盤自生自滅
我真係跟唔黎呀
好擔心啲野有甩漏
唔知埋下左幾多個地雷比自己踩
日日都好不安
每日都諗緊幾時辭職
同埋想請教下咁多位ching
科文駛唔駛對客？
定係PM既職責黎？
我有時要自己同客夾
我想問下咁多位ching
我面對緊困難不安係
科文必經 根本就係你個人廢 
你公司分工安排、培訓有問題 遞信啦
