[冷門] 赤足地走緬甸遊記

睇咗旅遊台咁耐，都好少見有人會寫緬甸嘅遊記
當我自己去完緬甸之後，發現呢個國家其實比起大家想像中靚得多，亦安全得多。
希望呢個遊記會令大家發現到緬甸靚嘅一面 亦希望大家會趁呢個國家未變得太旅遊化嘅時候，有興趣去玩下 發掘下呢個國家。

"如果說甚麼是不是改變的話，就是甚麼都正在改變吧。"
Mr. Children- Starting Over

可能大部分香港人對緬甸呢個國家嘅認識只有昂山素姬同埋上年嘅羅興亞人事件 一般都唔會諗起去呢度旅遊；而且軍政府係由2010年先開始真正對外開放呢個國家 對啱啱開始發展旅遊業嘅緬甸嚟講，亦都無太大嘅吸引之處去吸引香港人去。

至於我會去緬甸嘅原因 主要係我呢一年開始接觸到多咗關於緬甸嘅歷史 文化同埋宗教嘅野 令到我開始想去呢個國家好好睇一睇。而真正令我下定決心去緬甸係一張係緬甸蒲甘嘅日出，我決定要係緬甸仲未太多人去嘅時候，去睇下作最美麗嘅一面！

唔講咁多 比今次旅程嘅幾張相大家睇下先！




蒲甘



仰光


茵萊湖


希望會有人有興趣睇
同埋知我係邊個嘅唔好爆出嚟 默默支持我就夠了

留名
一路都好有興趣去

呢次去緬甸我揀咗上年嘅12月尾去，亦係我第一次係外地跨年 ， 所以勁興奮

今次去緬甸本身我係諗住轉機，原因係價錢平，＄1700可以來回緬甸真係不得了，但問題就係要係中國轉機 最後我揀咗直航去緬甸，搭緬甸國家航空。雖然價錢貴多800$，但係可以四個鐘左右就到仰光 （最後其實回程嗰程勁on 9，我係mandalay玩完返返去仰光搭飛機返香港，但中途又要係mandalay layover....，遲啲再詳細講 ）


今次陪住我3個禮拜就係osprey 嘅farpoint 55，backpack旅行嚟講佢真係一流


搭咗三個幾鐘頭機之後我終於到咗仰光機場啦，一降落機場比我嘅感覺其實係同我想像中唔同，自己一直對呢個國家嘅印象係亂同窮，但呢次嘅旅程一一打破我嘅固有定型。原諒我今次主要影風景相，所以無乜機場嘅相


落機之後第一時間緊係唱錢啦，緬甸嘅貨幣係Kyat，大概6hkd兌1000Kyat 到啦
我就唱咗200美金先，點知尷尬嘅情況就出現啦

啲5000kyat多到好似廢紙咁 成60張

到之後出要係機場出仰光市區去我嘅hostel，同好多地方一樣都係會係出面比人掠水搭海鮮價taxi，其實係有巴士出去，但係我實在搵唔到係邊上 溫馨提示係緬甸嘅話可以down 定uber同grab，因為啲價錢係最抵！最後搭uber出咗去市區，但因為塞車將一程本來係半個鐘嘅車程變咗個幾鐘！

下篇就講下係仰光嘅故事啦

呢個係真 佢地真係勁好

好正 去完會愛上

LM

兩年前冬天去過緬甸。

嗰陣比而家更加冷門，所以幾易買到UO$1直航機票去仰光。嗰陣仲遇到女神中學同學搭同一班機。

可惜UO已經唔玩依條線。

Post 下相支持下樓主先

日出真係無得頂

我又係之前UO買到平飛去左仰光4日
可惜條線好快執左，唔係都會去多次
你地去到其實食咩，我唔係好敢食當地野，而且都睇唔明

阿叔12年前一條友去緬甸玩, 當年去蒲甘睇日出邊有咁多熱氣球, 而家就成個天空都係, 想是多了好多旅行團吧?

12年前，嗰陣係咪仲好原始

岩岩6月去完去完仰光做義工留名

十二年前就去呢d國家玩

2年前去 好正嘅一次旅行

真係冇著鞋？

巴打有無去Myawaddy，係緬泰邊境，可以陸路過關去埋泰國

我16年都去過緬甸，d人都幾nice

上年6月去完，留名
真係好正，plan緊下次去要睇埋熱氣球

曼德勒>蒲甘>仰光>茵萊湖

留名將來去

留可