[DSE中文勸世文]想中文考得好一定唔係靠背範文

的確冇必要將所有範文一字不漏背好，但係某啲重要字句係需要背好，因為有機會考摘錄原文。我都明白你嘅原意係想考生唔好死背而係融會貫通。

但係我覺得你個topic係click bait，甚至可能令某啲人睇一半就錯誤理解為「要中文考得好一定唔使溫範文」

烏大龜呢

其實開po都講得好清楚唔係靠「背」，如果有造成誤會講聲sorry先

摘錄原文問題唔大，因為sample卷直引原文只佔2分，正式果份2018更加只得1分

如果要背最大理由係說話同作文拋人，但呢兩份卷你用自己文字寫意思一樣可以，所以除非好鍾意篇文，否則真係可以一句都唔背

姐乜撚嘢啊文盲

既然巴打想深究既話大家不妨討論下

廣東話語助詞（或者語氣助詞，基本上一樣）坊間無一本權威著作，基本上都係各說各話，但可以肯定唔少詞典都未能反映當代讀音

「啫」或「唧」，粵音［zek1］早見於50年代粵音詞典，可以肯定早期一定有呢個語助詞；「姐」，粵音本應為[ze2]，口語變調可讀為[ze1]。（如「家姐」中「姐」字讀音唔同「姐夫」既姐）上句「懶得打姐」正正借左變調音[ze1]。語音學對於「借音」現象稱做「語音流變」，視為正常既語氣轉變現象。因為語音一定會隨時間變法，正如「甫」字本來只有[pou2]一音，後來最遲至中唐有[fu2]音。相信你出街問人邊個係「杜普」應該無人知係「杜甫」？

咁到底用「姐」字有無問題？語音學上要界定某個字用法正確與否，主要睇社會大眾係唔係廣泛使用、接受該字。如現代粵語「陰功」一詞，本為「無陰功」一詞誤略去「無」字而成（略見《從「陰功」一詞談到「美惡同辭」》）。日積月累，社會大眾約定俗成，接受「陰功」用法。

「無陰功」一例並非借音，但足以證明某字詞用/讀法正確與否只係取決於大眾接唔接受。「姐」字有無錯，要視乎現今多唔多人讀「啫」為「姐」，以及會唔會無人明你講乜。呢兩個字既研究我無做過，但做之前唔會一口咬成讀/打[zek1]先正確確，[ze1]就文盲。或者巴打有興趣既可以做一做研究，到底多唔多人讀[ze1]，我都好想長知識

順帶一提，「乜」字其實應該寫做「勿」，巴打以後小心喇

你嗰個唔係助語詞，「即」字係咪唔識打？

即係你話果句要
「懶得打字即」
學到野，唔怪得句尾用黎表達語氣唔係語助詞

睇左幾次終於明巴打想講咩，唔該晒你指正
我相信巴打唔會介意我手快打錯字

如果個底本身差 連將勤補拙都做唔到 叫人唔好背範文 真係累死啦
仲話都係一分兩分姐唔太重要
對成績差/想攞高grade既人 一分都足以成為關鍵
每個人資質都唔同 學校老師叫得你背 總唔會老點你
能夠消化當然係最好
但論消化 卻已經比起背係高一級既層次 唔係人人都咁易掌握
係有心分享既 就直接分享如何分析篇章心得
而唔係係度賣廣告

我認同每分都好重要，但學生唔係無限時間架
有無諗過用背範文既時間操其他野，例如溫寫作手法，個收益會大幾多？
上年乙部寫作手法出左接近20分，係甲部分數既2/3
甚至有d甲部題目都要識寫作手法先答到
如果晒時間背晒範文，到頭來連甲部30分都拎唔足，仲要放棄埋好多乙部既分數，就真係無得救
再講，升得到中學既人，就算理解能力再差，都有方法搵到篇章既思想架
十六篇除左逍遙遊同論語難解，其他既上網隨便一搵都大把分析，根本唔洗靠自己諗（我都唔信普通既中學生可以靠自己諗到晒十六篇講乜）
甚至好多教科書後都有內容大意架，大把免費方法

好多人就係有種怕麻煩既心態，又諗住老師一定唔會點黑路你行，所以諗都唔諗就背晒佢
問題老師教既唔係所有野都同考試有關。背誦只係課程指引，要學生欣賞經典文學作品，唔係考核重點呀。而家講緊點應試，梗係要有針對性咁做。

至於點解唔直接講晒咁多篇心得，因為我好唔鍾意學生攤大手板等我喂到埋口，所以鍾意只係比個大方向。如果有巴絲分析/上網搵完有問題唔知岩唔岩，又或者自己努力完發現串唔埋d概念，係度問我我一定答。

email我問啦，lauondaihkg@gmail.com

想問下收幾錢啊

敖研師兄？

好掛住佢…
中文失咗手覺得好對佢唔住
君子 信恕仁容義備天器

中文3咗
但覺得佢覺得教幾好
唔會係咁叫人背嘢

4咗自己懶無操好pp
好鍾意聽佢講中化
同埋上堂走音好QQ

BTW追文睇內容都覺得似係佢