[疑難排解]一月北海道滑雪

1) 視乎你係跟邊類教練學。如果係駐場大型滑雪學校，就去佢指定集合點。Annupuri 嘅駐場學校係 NASS，英文教學。二世古亦有好多雪場認可嘅中文滑雪教學，其中香港人開嘅至少兩間，亦有唔少台灣人開。

2) Annupuri 附近住宿相對冇 Hirafu 咁多，但二世古出名多遊客，特別係澳州人，佢地好癲的，4月開始已經 book 定下年。所以呢個時候一定有得 book，除非係純日本人經營嘅民宿，就可能會遲少少開放 booking。

3) 唔洗買住。如果我冇記錯，Annupuri beginner slope 條纜車係免費的。就算唔係都唔洗買住，問咗教練先。因為佢有半日 pass 同 “點數” pass 買的，唔一定要買全日。Annupuri 嘅雪票同 Niseko Village 係共通，即係你買一日票其實係兩個雪場都用到，所以幾貴吓的。

如果 Ski，我覺得預上兩日堂。
如果 snowboard，最好3至4日。
咁樣先有機會學到最基本嘅滑行。



利申：CASI (Canadian Association of Snowboard Instructors) 二級教練

每個場都有新手區。
Hirafu 相對會多人少少。我覺得如果第一次滑，分別唔大。當你可以自行上山滑落嚟，就會有分別。
Annupuri 相對適合新手練習。


利申：去過5次二世古

坦白講，幾乎係必然會發生。
唔係話自學唔得，只不過真係會好辛苦，同埋要極大毅力同決心。
跟教練學係要洗好多錢，但如果想短時間學到，而且係學到正確姿勢，就真係要跟教練。

當然，教練都有分好壞，人夾人。
大型滑雪學校如果上團體課，就撞彩。
如果私人包教練學，就可以選教練(如果有介紹的話)。二世古的中文滑雪教學全部都係私人教學的。


利申：二世古每年冬天都有十幾廿個香港教練長駐，大部分我都認識。

天氣嘅嘢冇人預計到。
只能話普遍一月大風雪機會大啲，三月相對穩定啲。
我自己都鍾意3月去，因為積雪最多，天氣穩定啲。二世古出名一日內天氣變化好大，可以一刻晴天轉個頭乜都睇唔到。


利申：我去二世古已經唔太玩雪道內，主要出 gate 玩 off piste (死咗可能冇人知嗰啲，所以會跟人去唔會自己去)，所以要好留意天氣變化。

巴打有冇熟人可以介紹？
朋友個邊都想搵返香港人教
萬分感謝

當然冇問題。
二世古香港滑雪學校我最熟係 <雪浪>
https://www.snowandflow.com

老闆都係滑雪人，已經留係二世古6個冬天。團隊有男亦有女教練，ski 同 snowboard 都有。

唔好問有冇折，因為佢地堅持教學質素，所以唔會因為識人介紹就平啲。
不過，你查詢時可以同佢講係 <滑雪同好會>版主介紹，我地準備咗一啲好有紀念價值嘅禮物送俾報名課程嘅滑雪同好會會員。

如果唔啱，我再介紹其他俾你。

咦，原來同我朋友之前搵到個間一樣，
巴打推薦既話咁我地都放心去book啦

我上年有跟過佢地嘅技術總監上過snowboard課。
個技術總監係加拿大滑咗廿幾年雪，係加拿大snowboard教練最高等級，兼且係專門考啲教練嘅考官。
佢平時負責訓練雪浪嘅教練，所以我對佢地嘅教練好有信心。

利申：計劃下年2月兩兄弟到二世古玩SB
我自己補習過 基本學識Pendulum, 但兄弟仲學緊Side slipping

想問下當地廣東話教練使唔使預早book? 同埋有溫泉酒店推介? budget 1200一晚

其實我想去之前自己再學下, 希望可以去到滑到Red, 但一個人學好貴, 有無其他巴打有興趣一齊學?

滑雪機學？

一定要預早 book。
二月還好少少，聖誕節好多學校已經 full booking。所以就算未決定搵邊間，都最好查詢定先。

師兄好勁! 識哂啲 snowboard 嘅 terms!
Side slipping 同 pendulum 只差一個 step，而且相對唔太難學，所以你同朋友一齊學問題不大。

Pendulum 下一步學 power pendulum，再學 chicken turn，跟住就 beginner turn 啦~

附設溫泉嘅酒店唔多，可以睇睇 Hirafu-tei，位置同價錢相對較好。也可以睇睇 Hilton 同 Green Leaf 但佢地係 Niseko Village 位置上冇咁好。

想學定先，可以睇睇香港教練係世界之窗開嘅班，有啲有提供團體課，就會平啲。

深圳學

之前有無滑過
世窗無滑過會唔俾你入
同埋去一兩次唔會進步好多
你滑落黎再上去都要時間

場內等
唔洗買一日pass
上就學基本野買四個鐘纜車咪夠

想要進步得快，跟教練學係不二法門。
當然亦唔係去一兩次就會學識。

點睇北角既室內滑雪機
係咪會有效率好好多

效率高的方面在於唔洗行上行落，
又唔洗除板著板
當然亦可慳咗上深圳嘅時間

但係滑雪機上嘅地面觸感同雪地上仍有頗大差別，尤其係要做 edge changing 時。

所以我會覺得滑雪機對重來未滑過吧，以至 snowboard 學到落葉飄嘅人都幾唔錯，但開始學轉彎我就會覺得係雪地上會好啲。

上年聖誕去完，全部第一次玩滑雪。

1） Annupuri 嘅school counter 同裝備store 喺雪場center同一層lobby，門口互對。好似淨係得日文/英文教。

2）熱門嘅滑雪場附近酒店呢個時候相信已經full 曬，你只能搵山腳少少嘅溫泉酒店，會有shuttle 上雪場但係時間勁疏，一定要問清楚reception。

3）強烈建議買1 day pass，因為當你上咗手之後，初學者條path 3 min 就滑完一次。。。我嗰次lesson 係乜都冇包，要另外買。

另外個人經歷：
早一個鐘頭到school counter，因為你要另外租借裝備，第一次著真係搞你半個鐘以上，同埋都建議裝備最少租足一日，唔會貴好多。

一定一定要book 埋酒店dinner，唔係嘅話你只能食滑雪場canteen，但係會衍生另一個問題：shuttle bus 未必開到咁夜。我嗰間7:30pm 就尾班車，結果我地miss 咗要行返落山。唔好諗住可以截taxi 落山，除非你早兩個鐘頭call 定。。。

雪場以外都有幾間餐廳，但全部都要提早好耐book 位，旺季唔會有walk in嘅機會。。。

總結：嗰度滑雪真係好正，雪景超靚，但係你要當入咗一個荒區咁，所有嘢要一早book 定，否則乜都冇，凍死都冇人知。。。

上次住希爾頓唔錯
有酒店巴士開到好夜可以出十字街食野

我今年四月去完，
①有fd唔識就咁去就咁搵就有教練
②我地住 民宿，係滑雪場下面
③學識左再決定，我老婆第一次滑，教完佢佢就自己係咁玩 ，坐到回哂本，我就躂到仆街坐左兩次冇玩 蝕哂水

暫時同班朋友預左去二世古Annupuri滑雪，
因為全部人新手，所以會搵教練，有些少問題想請教
1) 個度等教練係咪預先係場外集合定入左去先？
2) 住宿方面我見Annupuri附近既旅館都無得book，係咪正常？定我過一排先再試試？
3) 你地建唔建議買一日吊車Pass?

感謝各位

上年聖誕去完，全部第一次玩滑雪。

1） Annupuri 嘅school counter 同裝備store 喺雪場center同一層lobby，門口互對。好似淨係得日文/英文教。

2）熱門嘅滑雪場附近酒店呢個時候相信已經full 曬，你只能搵山腳少少嘅溫泉酒店，會有shuttle 上雪場但係時間勁疏，一定要問清楚reception。

3）強烈建議買1 day pass，因為當你上咗手之後，初學者條path 3 min 就滑完一次。。。我嗰次lesson 係乜都冇包，要另外買。

另外個人經歷：
早一個鐘頭到school counter，因為你要另外租借裝備，第一次著真係搞你半個鐘以上，同埋都建議裝備最少租足一日，唔會貴好多。

一定一定要book 埋酒店dinner，唔係嘅話你只能食滑雪場canteen，但係會衍生另一個問題：shuttle bus 未必開到咁夜。我嗰間7:30pm 就尾班車，結果我地miss 咗要行返落山。唔好諗住可以截taxi 落山，除非你早兩個鐘頭call 定。。。

雪場以外都有幾間餐廳，但全部都要提早好耐book 位，旺季唔會有walk in嘅機會。。。

總結：嗰度滑雪真係好正，雪景超靚，但係你要當入咗一個荒區咁，所有嘢要一早book 定，否則乜都冇，凍死都冇人知。。。

上次住希爾頓唔錯
有酒店巴士開到好夜可以出十字街食野

旺季成5～10k/晚

好耐無見滑雪post
Plan 緊黎緊滑二次雪
十二月諗住去東京玩幾日 加附近既滑雪場
跟手去2 3 4月plan去北海道
但唔渣車既話好無癮咁
自己識渣但唔敢北海道落雪渣車
所以諗住 join snowcxt 既滑雪團
同臨出發前去多d世窗

Plan左一月去星野同二世古

佢幾個月左右會做下六折
折完一位900蚊晚
平就一定唔平但係貪佢ski in ski out同有溫泉