其實香港以前有一科叫公民教育,會教一d基本既國民身份知識,同教育一個人成為一個符合該國家/地區social norm既德育課程,e.g. 過馬路要守交通規則,唔好周街痾屎,唔好係公眾場所搞鳩到其他人之類,唔知幾時開始,香港既教育制度cut左好多呢d野,取而代之既係中國式既國民教育
係國際間既層面, 一個人既身份,可以分成幾個level:
1. 公民身份 (Citizenship)
wiki上既定義:
公民（英文：Citizen）是在一個政治實體如國家或城市中，擁有公民身份並根據該地法律規定享
有權利和承擔義務的人。
公民身份是一種認同或身份的形式，使個人在政治社群中取得相關的社會權利和義務，和國籍概念不同，擁有國籍如未成年的國民可能沒有行使公民權的權利及義務在憲法學及政治學則指由法律規範及政治社群中的個人和群體的權利及義務關係
簡單d講, 公民權利受制於一個政治實體, e.g. 中華人民共和國, 中華民國, 英國, 呢d地區會有成文既法律講清楚係咩條件下,一個人可以成為享有呢個政治實體既福利(e.g.居留權),同時要實行返果個人應該要有既義務(e.g.服役)
(一般我地口中講既)香港人公民權係受中國國藉法約束, 最簡單一句講,你老豆/老母是旦一個以前係中華人民共和國公民, 又或者你係中華人民共和國境內出世,咁你就會自動被成為中華人民共和國公民,當中包括係1997年前經居英權計劃拎到British Citizenship (BC) 既香港人同佢地既後代,係香港/澳門/中國大陸地區個政府係唔會當你係有BC,都係當你一個中國公民
BC果個係比較特殊既例子, 一般來講一個人同時間只會有一個公民身份, 你拎左外國公民權後一般來講會同時void左舊有公民身份,呢個程序叫歸化, 但中國比較特別,你要主動去領事館申報取消公民身份先會真正生效
2. 國藉(Nationality)
國藉呢樣野係法律上好複雜,主要係跟據<<國際聯合會國籍法公約>>入面既條款去理解
同公民權唔同,國藉係可以多過一個,最常見例子係BNO同香港特區護照(HKSAR)
呢度要clarify一下BNO同HKSAR兩個國藉上係法律既理解,其實BNO國藉係屬於無British Citizenship既其中一隻國藉, 而HKSAR係有中國Citzenship既中國國藉人士, 呢樣野係跟中國國藉法同英國國藉法授予, 詳細資料可以睇返wiki: https://zh.wikipedia.org/zh-hk/%E8%8B%B1%E5%9C%8B%E5%9C%8B%E7%B1%8D%E6%B3%95%E8%88%87%E9%A6%99%E6%B8%AF
laymen d講句, 呢個世界係唔存在一個叫"香港" 既國藉, 國際法認可既只有BNO同中國籍兩種, 除非有一日香港獨立或者有更高既自治度,中國肯放權俾香港一個不同於大陸地區既國籍,如果唔係係國際上無人會認為"香港"係一個國藉
睇度呢度應該會有d人開始會話我係五毛,其實理解「香港人」呢個身份,仲要講埋居留權(Right of Adobe)同身份認同(Ethnic Identity) 呢兩樣野, 會更貼近我地平日口中既「香港人」
應該已經有d人too long don't read, 如果有人有興趣了解多d我先繼續打
