在編排要番shift、輪休的更表時，感到十分頭痛。
說實話，需要輪班的工種較多涉及教育水平唔高的人，
大家都係打份工心態，自我要求亦較低，所以一般都比較斤斤計較。
佢地未必係同你/上司計，但同事之間就計到好足，
久而久之關係一定唔好，慢慢變到無任何協商、妥協空間。
想問下大家點解決以下問題：
1) 輪休放星期六、日的紛爭
編更前都會俾D同事填定黎緊自己邊日需要放假，咁星期六日一定成為兵家必爭之地，假如1日最多容許2名同事放假以維持日常運作，但係有4-5個人都想放同一個星期六/日。
(定係取消俾佢地填寫想邊日放假，定左就算，等佢地自我搞掂，調到更就調，調唔到就大假/ 你諗你？不過我forsee到咁做會有更大怨氣
)2) 不同崗位的計較
早班、晚班通常都定好左，可能係每個月或者每2星期輪，
但即使做同一更，唔同崗位工作性質/工作量一定有D出入，所以會安排佢地輪流做唔同崗位，每日輪/每星期輪。
大家平時點做法？
3) 病假
多病假不在話下，但有人病假時，其他人要頂上，邊個頂，頂多頂少又可以吵一輪。
唔知大家有無一D好的做法/建議，可以提出交流交流，或者有番緊shift的巴絲都可以俾下第一身意見。
