港鐵都收皮, civil今次真係爆煲了

做15年+ , 先至可以搵50-60K...........
但好多banking and finance 的工種, 隔離有post 都講過, 做3,5,7年, 月入輕鬆囉40-50K+, 但多過50K 呢個數, 就好睇個人努力/際遇............問題係, 工程界有個現象就係咁

1) 有牌Engineer 在client / 政府做, 人工同埋工作量/工時, 大部份位屌打big4, banking
2) 有牌Engineer在大判/sub-con 做PM/APM, 人工唔會太差, 屌打大部份做收銀的人, 同埋big4/banking, 但工作量唔低, 工時長, 壓力大...簽錯文件會上身, 有機會釘牌。
3) 有牌Engineer在收銀度做PE/associate, 人工少過在大判做PM, 同埋政府, 同埋輸俾其他行業的manager grade.....工時長, 壓力勁大........輸比好多ex-big4, 在bank 做野的人....., 簽錯文件會上身, 有機會釘牌。
4) 無牌engineer 做client 的project team BS coordinator/executive engineer, 人工同做大判/sub-con PE/SPE 差唔多, 但工作量比佢地細好多, 工時比big4 /大部份banking好。
5) 無牌engineer , 做收銀/SUB-con/main con, 好多時做到去PE就樽頸左, 無牌升唔到上去, 人工亦都cap 左在30-40K, 加上而家市道差, 呢個價位有機會下調5%-10% 左右.........而且工時長, 壓力大，一個人要有能力"孭飛", 即係可以lead 到一單JOB 可以正常起貨, 下邊有時會無人幫你搞文件, site work / 文件一腳踢, 要有一個打3-4個人的能力先至做得黎, 否則一世都係做AE/E............ 如果下邊有AE/GE 幫你搞呢D 咪好D LOL, 無人幫你, 咁就真係有苦自己知.......

現實情況係, 大部份做緊工程的人, 好多都係屬於第3-5類的人士, 點睇都係唔算有好"錢途", 係叫做比做一個無專業技能, 又入唔到名店做sales 的非專科人士好, 有D 保障咁解。

但可惜在商界的工種, 真係需要負刑責的位, 除左老闆/CEO/CFO 之外, 其他做會計gei, 如果只係一個finance manager (有牌CPA) , 好多時都唔使上身, 因為有external auditor 去頂........但工程界唔係咁, 簽錯份野, 做client/developer/有牌的engineer(s)都有機會上身, 人工/工時性價比完全唔抵。

跟本好好景，咪撚自撚私唔比人入行啦
識幾個做幾年都3，4萬
驚太多人搶你地飯碗 ？

做3年同做9年都可以係幾年, 同埋如果一個專業, 做9年先至有30K, 個人覺得太少......, 40K 都唔係多....但都要睇有無牌, 有無轉過工等。

有些人做非專業工種, 例如leasing & marketing, 做10年都有50K, 人地又唔使OT, 責任又唔係大, 爆獲又唔會俾人釘牌.......點計, 工程師性價比真係唔高, 係叫做好過做文員/admin 呢D 低下工種。

係你講得最中肯
性價比低真係講極都無人明

其實我覺得依行性價比仲低過文員/admin
人地番8個鐘可能得4-5個鐘真係有野做
你就做足8個鐘再ot幾粒鐘，講緊每日都係咁
仲未計你讀書4年付出既好多野

叫成日講十大基建玩完個位洗板哥哥換左你呢篇文啦
有point同警世好多

利申第3至5類

同埋文職東家唔打咪打西家
番番下工嬲得濟講句屌你老味第日即quit都無後果其實

做工程你試下一世人有幾多份工可以俾你轉你自己知

同時帶出另一個問題係 價位好難向上流動
正常人轉一次工起碼加10%
其他工種1,2年都可以轉一次，做工程?

問題係做其他工, 打公仔的選擇多, 做老細的, 都唔敢CHUR 下面chur 得咁盡, 因為怕佢辭工唔DO, 咁打公仔先至有say。

就講返banking/finance 呢行, 呢行至少有200+ 的公司俾你去apply.......但做工程的話, 我諗1/4都唔知有無, 呢份見唔成就下一份，即使starting salary 比工程低都唔重要, 最重要係個exposure/experience 可以容易俾你去轉工，做開banking 果d 人好易轉工加人工，同埋做banking 轉工/被人炒而轉工, 除非係你個人工作態度太差, 又或者你係衰左integrity 野/刑事野, 否則都唔使太驚轉唔到工。

但工程好難做到呢樣野, 呢個行頭太細, 香港市場個餅太細..........好難話quit 就無後果......結果就係俾老細睇死你, 點迫你, 你都要繼續做/捱, 尤其是而家市差, 真係加人工加得少都要硬食, 唔敢轉工，除非你老細勁lum 你, 你俾老細好睇得起, 加人工留你, 做到呢D 位的人另計。工程界好多大老細都識對方, 大家都會知道每年的candidates 人工的叫價, 變相好似係一個oligopoly market 咁, 壓柞D engine 的人工水平。

不過做工程的, 正常轉工都至少會加10%+ , 呢樣又唔使咁灰gei ............

問題係去到邊, 絕大多數情況都係辛苦工黎, 而且港資公司當道, 當我地成日覺得paid SL 正常1個月有2日的時候, 但在工程界的公司, 大多數D 病假咪又係1年得果6-10日左右, 大假好多都係7-10日起跳 (大判/收銀/sub-con 都係咁), bonus 黎講, 就好睇公司D老細出手如何。多數假期多的公司, 佢地加人工個幅度/bonus會比少假的公司細，反之亦然。

就以收銀為例, 賣鞋好似一年得6日paid SL, 遲到唔知幾多次就無人工加呢D 屎忽野。仲有一間I字頭的收銀, 聽聞SL 會扣人工, 痴線的, 意味住你唔可以病。
P
B/WSP 就好似一年12日AL, paid SL 一個月都有2日, 算係咁, 但有呢D 正常普通文職的福利的公司, 好可惜, 佢地係OT O到爆的。

雖然大家可能會覺得, 後生仔好少病, 但其實普通傷風感冒, 腸胃炎, 一年點都會中3-4次, 每次病你2-3日都好正常.........好多時我地病都係搭車俾人傳染/俾同事傳染，有些做父母的, 小朋友仲細, 好多時小朋友病果陣, 都會傳埋俾父母, 父母有病自然就想請SL。問題係好多港資公司, 佢地D "腦細", 會將請SL 次數計入appraisal, 咁個個都唔想份appraisal 個分差, 就唔敢請SL, 變相就係帶病返工, 令整間公司的productivity 降低。

有時亦都會有一些員工, 可能本身多病要去醫院做continuous follow-up, 一個人睇2-3科, 每科每年都要睇2-3次, 咁就無左4-9日SL (因為有些公司未必肯俾你請半日/2小時), 仲未計其他傷風感冒等等，諗落在香港打工, 其實都幾慘, 尤以工程界為甚。因為仲有一班老細覺得, 佢地以前係日薪, 無呢D 福利, 所以D engineer 同班工人睇齊.......我心想, 咁不如我收工人的大工錢, 斷日計人工就算。

好多時, 大部份大公司, paid SL 係2日, 一年14日AL, 返5日, 呢D 福利, 在工程界, 絕大多數的情況係得client/gov/MTR/新世界/協興 先至有咁好待遇。e.g. 某上市大判, 間野成日低價接JOB, 結果就要剝削返D 員工福利黎"填數", 佢地一年大假得7日 , SL 仲要扣錢, 簡直係唔人道。至於另一間, 就係某家族生意旗下的, 又係大假7日起跳, 仲要返6日, 人工又唔係好高.......

利申: 一年用SL 少過6日, 唔射波。

得4-5個鐘真係有野做, 又跨左少少, 我諗6個鐘啦(一年平均計)

過左proba 唔加人工 日做12個鐘

得罪講句，依家不論civil定building都好撚缺人
係上至client, consultant, main con, sub con都係缺人
但無奈地一單job budget有限
根本就唔夠錢請咁多人
一係就請著啲廢人

唔係好信而家缺人, 隔離大把graduates 搵唔到GE 工...........

傻西讀爛鬼商科想踩civil拎優越感？人地醫科法律果d咪又係當你地商科文員仔跑數狗

知唔知咩叫budget有限呀on9？
單單job都賤價去接，你撚有budget請人？
結果咪一個人做三個人嘅嘢囉

1個人做3個人的野, 好多公司都係咁.........(唔計政府)

咪就係因為缺人囉奴隸

既然你地個view都係呢行狀況差, 駛咩咁勞嘈

50唔炒 等退休炒？

佢仲有頭家等佢養... 唔知佢點算...