我地一家大細一齊住，都住咗好多年
雖然地方細，但係都因為各種原因選擇一齊住
有家姐可能真係無經濟能力搬出去
亦有哥哥其實有錢自己住，但係最後都係想留係度，有個照應咁話
講到尾，一家人嘛
唔知幾時開始，響屋企發現有曱甴
媽媽話，一定係我哋自己污糟先會引到班曱甴嚟哋屋企
開頭我哋成家人將啲飲完嘅奶樽洗乾淨，揼哂去
但係隔一陣，啲曱甴又出沒
爸爸話，一定係啲曱甴唔夠地方住，先至會走出嚟嘅啫，有好多人都會搬出嚟住啦，好似表哥咁
所以我地就特登係一間曱甴屋畀佢哋住
好好㗎，有水有瓦遮頭，免費算係咁
點知唔洗兩晚，個曱甴免費會所已經爆滿，仲越起越快爆，屋企越來越多曱甴
直至有一晚，我靜靜雞夜晚開燈
哇，好多曱甴喺度開party
最恐怖嘅，係發現唔至有曱甴
竟然有個鄰居係我哋屋企
佢用個防火鎚仔，喺個牆身打窿
近住放一竇一竇曱甴入啲窿到
我尖叫咗一聲，佢就走咗
第二朝，仲年青嘅細佬妹知道消息，即刻拎起㗎鏟，諗住自發除蟲
封窿，打蟲，放毒
我好開心，因為啲蟲受檢咗
點知第二日，唔知點解有個「昆蟲權益會」嘅人拍門，話我細佬妹歧視昆蟲，危害昆蟲安全，係暴力團體，犯法
我到呢日都唔知我細佬妹去咗邊
呢個時候，慈祥嘅婆婆終於出聲，話既然趕走啲曱甴係犯法兼且無可能囉，不如就接納佢哋入我哋屋企啦
點知第二日呀婆就入咗老人院，唔同我哋住lu
各位，去到呢個時候，我真係唔知做咩好
手頭上仲有啲毒藥，但係啲大人又話係犯法
想揾朋友一齊打死啲曱甴，但又話係犯法
我應該點做？
