【慎入】《與神同行：最終審判》劇透討論區

啱啱睇完第二集係屋企番睇緊第一集
第二集好唔好睇 好取決於 你點樣睇第一集
第一集係用消防員身為貴人重生投胎做主線
介紹七個地獄, 三個地獄使者同閻羅王
但所有特技動作場面都係包裝
最主要都係阿媽同兩個仔之間家庭悲劇做催淚位
帶出懶惰貪念公義人性........等等
要有啲心機耐性先睇得出
當佢係一套唔使用腦睇嘅特技片 最多只值60分
不過睇得出地獄呀捉怨靈呀 全部只去討論人性嘅工具
絕對稱得上去韓國近年最好睇嘅戲....
不過試問票房咁高又會有幾多人睇得出呢啲位....


第二集冇咗第一集簡單直接嘅情節
用三條唔太match嘅plotline 去更加深入利用地獄,投胎去探討人性,親情,家庭
好聽啲嘅就係個導演好有野心 相信班觀眾follow到
因為個故事結構係運用番第一集出過嘅point 黎講一個差唔多全新嘅故事
難聽啲嘅係個導演太貪心
吸引觀眾嘅主線未企得穩 就已經將個故事帶去一個新嘅方向
唔係個個都會接受到
不過我就好buy
特別係睇番第一集
點解江林咁有決心去幫金自鴻
點解閻羅王要假扮解怨脈
點解李德春咁有愛心乜人都要幫
點解解怨脈經常唔經大腦成套戲做搞笑位
仲有阿爺同個孫
一早好有心機鋪曬呢啲覆線
睇完第一集你對呢啲問題都冇興趣嘅 第二集唔會啱你睇
不過唔啱睇還唔啱睇........
唔好第一時間就踩套戲
唔係套套戲都好似變形金剛咁"好睇" 拍極都仲有

利申: 兩集一齊睇個故事好完整 完全冇興趣睇第3集

上集都話大篇幅講親情
雖然 n 咁多 bugs
今次現哂形，勁胡鬧
亂咁黎，變左笑片

大致認同
我就覺得講三者既因緣加上最後贖罪自白個part係幾好，至少今集都唔係玩煽情

我係會再貪心D
想佢喺第一集再鋪靚啲佢哋三個之間因緣
其他幾條線都中上
係江林同埋解怨脈係兄弟 仲要係心存妒忌嘅義弟依條線就有啲失色
睇第一集睇唔出佢哋有咁嘅關係

不過講時講幫第二集 做翻譯字幕嗰條友真係炒得
頭五分鐘睇佢中文字幕 同個劇情根本唔match
係轉咗睇英文字幕 先開始跟返到個節奏

英字係100,000，條友譯成1億

哩到的確係，表現得太若無其事
今集都係講家庭，但同上集有啲唔同表達
成造神不惜一切保護爺孫，賠埋自己，但哩個家庭結局係正面
對比
江林既自私，而佢老豆偏心解怨脈，最後亦令家不成家
解怨脈令到德春女真族家破人亡，但最後自己成為守護者，為班細路起另一個家，為佢地死。
而德春殺江林，江林殺佢。
哩種糾纏其實幾諷刺，佢老豆話係自己錯都啱。

我覺得好睇

根本現實時間線就冇鋪過佢兩個之間關係嘅事
搞到好似係失散多年嘅兄弟咁，但明明江林一早就知

未至於係垃圾
但唔可以算係經典
反而第一集好睇到可以算係韓國片中嘅經典
但同西片入面值得一看嘅片即係約莫8分嘅片仲有一段距離
今集最多畀6分，上集7分
ps 除非套嘢係非常垃圾，如果唔係我通常都唔會畀低過5分

同第一集 完全兩樣野黎 冇睇過第一集既去睇一定悶到訓著

第二集 真係唔知想點 純粹只係介紹班友既真實身份 其他可有可無
根本強行將上一集既主線放落黎 拖劇情 打鬥又唔緊張
一D代入感都冇 好似上緊歷史堂咁

大哥妒忌細路>殺老豆殺細路殺囡囡>後悔老豆比機會佢>1千年後悔>解釋一切完

三個既互動唔到位 嬲又唔係嬲 感動又唔係
連入面既角色都係全程聽故仔 佢地都好似冇乜感覺咁 話哂成一千年前
個阿伯死 金香起又唔知做咩發癲喊到七彩咁 奇奇怪怪整個喊位出黎 但明明同個阿伯冇乜感情FEEL 個阿伯純粹係到賣萌同大隻佬做笑位

成套戲我最認同既地方
係個兵唔想轉生
因為佢覺得再做人
實在係太辛苦

兩集都冇「神」出現過
片名同內容不符

同埋今集講嘅主題係主要帶出江林、解怨脈同李德春三人一千年前嘅恩怨情愁
完美騎劫咗金秀鴻呢條主線
變咗有少少離題

如果出第三集係講幫關懷兵轉生應該會好悶同劇情會勁散

今集反而似外傳
解釋返3位地獄使者既由來

不過呢個係重點
上集已經講咗佢阿哥今日又再講返細佬反而就會重複
金秀鴻 咁串嘴 全程都唔想投胎
所以佢根本就唔係主角
令到有空間去畀三個地獄使者嘅故事發揮

與其話佢嘅故事線被騎劫
實際應該係由頭到尾佢都只係設定做配角

上集都有段時間分開兩邊講，都勉強通順，去到呢集大部分時間分開，仲要幾段回憶，感覺太散。

成套戲就係到解謎團劇情，但人物既感情刻畫就冇上一集咁細膩。

今集講好多原諒，但係我唔係好感動到，至少冇上一集咁深刻。

睇佢咁扭故法，第三集不了

今集野心太重

同意
但有野心但唔到位
總好過求其俾D 野你地班觀眾收左票房就算

上集感動啲
呢集差少少
下集講關懷兵唔想睇

我覺得上集已經係吹大咗 10分入面最多值7分

初初睇呢到評語以為好垃圾 但今朝睇完覺得勁好睇 上集都好睇但鍾意今集多d