[歷史分享] 日本忍者的歷史

留明

三成

治部

有冇理想與現實

留名支持

我等咗你好耐啦

千鳥定雷切勁啲

講忍術會有

人地係有貢獻、任務架
色字頭上一把刀

甲賀眾

在歷史上與伊賀眾齊名既第二大忍者集團 - 「甲賀眾」，以近江南部既甲賀山為據點（今滋賀縣甲賀市），該區因為有不少修行者定居，逐漸發展出各自既忍術，而自成一派。實際上，歷史上從冇為甲賀通稱為「甲賀流」，只係將出自於甲賀的忍術統稱而已。

有關甲賀既記載，最常見於戰國時代。1487年9月，由於近江南部大名 – 六角高賴趁幕府中心大亂時，私吞並發配公家、幕府奉公眾土地予家臣，被時任既第9代將軍 – 足利義尚率兵討伐，進駐近江東部既鈎（今滋賀縣栗東市），六角高賴並無與幕府軍應戰既打算，便立即從觀音寺城逃走，遁入南部既甲賀地區。當六角氏進入甲賀後，就起用出身當地既武士，接連進行遊擊戰，反而令幕府軍嘗盡苦頭，雙方戰事亦陷入膠著。

其實對足利義尚而言，只要樹立軍威就足夠了，但佢下定決心要收拾六角氏，因此響鈎設置臨時御所，更長期駐足當地。但係，當義尚長期逗留後，就開始縱情享樂，甚至對加賀一向一揆、山城國一揆等騷亂反應冷淡。結果1489年3月，足利義尚因為腦溢血，僅僅25歲便英年早逝，其逝世令六角征伐不了了之。

其後，第10代將軍足利義稙赦免六角高賴，令其得以回歸，六角高賴事後將五十三個參與戰事既甲賀流家族，尊稱為「甲賀五十三家」，更賞賜其中戰功彪炳既二十一個家族，但係講到邊二十一個卻眾說紛紜，直到江戶幕府時代才出現家譜證明，部份更未知是否屬實。



甲賀五十三家

關於甲賀眾既管理系統，六角氏時代就賦與甲賀眾自治權，同樣響甲賀下設各個地區及家族代表，討論發展方向，通稱「同名中惣」、「地區聯合惣」（即同姓家族代表、地區聯合代表）。當面臨戰事時，呢班分散既地區代表就會聯合成「郡中惣」，以整個甲賀為中心參與作戰。

後來織田信長擊敗六角氏，甲賀忍者亦跟著轉移主人，但到左1585年因為四出參戰擾亂，甲賀忍者就被豐臣秀吉改易，期間寄身豐臣家家臣旗下，直到江戶幕府才與伊賀眾一齊被重用。有關甲賀忍者最後的戰場史，就不得不提1637年的島原之亂，十名甲賀忍者隨軍出征，調查島原一揆既糧食配置。



甲賀既「自治系統」一覽

一直以黎，甲賀眾都被視為伊賀眾既對立面，各個創作都以「甲賀VS 伊賀」為主題，山田風太郎筆下小說《甲賀忍法帖》更係代表之作，甚至部份牽涉「神君伊賀穿越」之類既劇情，都喜歡穿插甲賀VS 伊賀的橋段，但兩家並無實證證明對立。相反，江戶時代德川幕府為表揚關原之戰期間，在伏見城戰死的甲賀忍者，更安排甲賀忍者成為同心眾之一，除了成為幕府既鐵砲隊員，更進行江戶城大手三門既警備工作。直到德川吉宗時代設置御庭番後，甲賀眾便消失於歷史舞台之中，或融入社會之中。明治維新後，忍者被時代淘汰，擁有製藥知識既甲賀眾就轉向醫學、製藥研究。



其實甲賀、伊賀係鄰居黎

有關甲賀既戰法，根據《萬川集海》，以及文書《定同名中與掟條條》，就提及過甲賀忍者擅長製作毒物及藥物，其中「二十一家」既大原家更規定不得飼養毒物。因此，我地可以推斷甲賀、伊賀明顯不同之處，就係伊賀忍者擅長體術，相反甲賀忍者擅長用藥。今日的日本滋賀縣甲賀市，確實製藥廠林立，不難發現甲賀人既製藥技術傳承。

順帶一提，滋賀縣甲賀市有一所忍者屋敷，據聞係「甲賀五十三家」領頭 – 望月出雲守於17世紀左右所建既舊宅，屋敷內有陷阱、密室等設計，以及展示些許忍具。

經過介紹甲賀、伊賀之後，就不要再誤會兩者是敵對關係了。



甲賀忍者屋敷



伊賀VS甲賀, 簡直就係日本武俠界既終極FF

推返上黎先

咁睇落忍者基本上係私人情報/特戰組織

唔係你以為batman? 忍者龜?

諗成CIA, MI6, KGB咁就得

推

推定，陣間post

淺談忍者名稱

之前既文章，並冇談及忍者響各個時代既稱呼，呢度就簡介一下。

其實響近代之前，忍者從來唔係叫做「忍者」(Ninja) ，亦冇一個統一既稱呼，響第二次世界大戰前，就被稱為「忍術使い」 ，形容使用奇術既人。到左戰後，因為小說家、漫畫家如司馬遼太郎等人撰寫既作品深入民心，對忍者形容為「忍びの者」(Shinobi no mono)，意思為「隱密行動的人」，以及「忍者」等稱呼，就成為我地今日既「忍者」了。

雖然戰國時代，都有用「忍」稱呼呢班奇人集團，但比較常見既仲有「亂波(Ranba)」、「透波(Suppa)」等稱呼，亂波、透波係東海道、中山道、關東等東部地區常見既稱呼，過去玩戰國無雙2時，都聽過武田、上杉、北條等稱呼服部半藏、風魔小太郎為「亂波」，用黎通稱從事奇襲、擾亂及諜報既影子人士。

除此之外，響名為《北條五代記》既軍記物中，曾經對「亂波」有以下描述：

「關東諸國陷入紛亂，弓箭往來不止。此時，有名為亂波之人出沒，這些人有時偽裝成強盜維生，亦有心懷不軌，另有圖謀者，自有其道。」

由上文可以知道，呢班忍者集團響關東除左侍奉主人，從事諜報工作外，仲會化身為強盜，劫掠行人。如果講到既效忠一國，又做強盜的話，筆者就想到英國都鐸王朝伊莉沙白一世時代，一個名叫德雷克既伯爵(Sir Francis Drake)就係私掠船出身，當然日本既亂波與英國海盜相比，又不是那麼一回事。

關東忍者集團 – 風魔黨

講到關東既「亂波」，最出名既就係侍奉後北條家既暗影集團 – 風魔黨，佢地以相模國足柄山(今神奈川縣)既風間谷為據點。其實「風魔」並非以”Fuuma”做稱呼，原音係「風間」(Kasama)，又可以叫做風間組，但領導人唔係叫風間新太郎，亦唔會有桐生一馬呢位成員，佢地既領袖以「風魔小太郎」為名號，代代相傳。

風魔既戰史，可以追溯到《北條五代記》及《關八州古戰錄》等文獻，最初出現於1543-46年左右，當時記載「風間小太郎」指導北條氏康手下一名忍者 – 二曲輪豬助。1580年武田勝賴、北條氏政於伊豆半島黃瀨川一帶交手，風魔黨每晚都乘著夜色，用稻草人綁在馬上，響武田軍前叫囂擾亂，武田軍不勝其煩，但知道係稻草人後就放下戒備。

風魔連續幾日故技重施，直到有一日趁武田完全鬆懈後，就趁亂夜襲武田軍，於敵帳內燒殺搶掠。武田勝賴為反擊風魔，就派幾名忍者趁亂潛入，點知到左風魔本陣後，卻被佢地既暗號識破，派去既武田忍者全滅。

談到風魔既成員，佢地龍蛇混雜，多為山賊、海賊、強盜、竊賊等綠林好漢，成員約為200人，大多因為當時關東連年戰亂而加入，雖然品行問題多，但由上段可以得知其戰術進取有效，擅於玩弄對手心理。



風魔架構圖簡介

後北條氏滅亡後，關東流寇四起，風魔黨因為失去效忠對象，便再次落草為寇， 1603年江戶幕府成立後，同行 – 高坂甚內告發風魔黨藏匿地，風魔黨被幕府一網打盡，首領風魔小太郎被德川家康處死，風魔黨亦退出歷史舞台。

江戶時代，據傳有風魔黨成員後來經營吉原，並為幕府擔任警備，名為庄司甚內；另外有一位名叫鳶澤甚內，擔任幕府密探，因功績授予買賣二手服裝既壟斷權，暗中為幕府效命，但上述兩人與風魔關係之記載不詳，請不要盡信。

代表人物 – 風魔小太郎

有關風魔小太郎此人，響某些忍術記載中，指戰國時代活躍的為第五代小太郎，其生平記載基本與上述內容相若。關於佢既特徵由《北條五代記》所記載，身高約為2.16米，努睛突眼，有四口獠牙等等，並不像當時日本和人既特徵，因此有懷疑係偏愛努、北亞人既特徵，但需要澄清一點，雖然《北條五代記》有記載此人，但部份內容備受學者懷疑，因此關於「風魔小太郎」此人是否真實，仍然未能完全確定。



談到風魔小太郎的二次創作, 筆者比較喜歡Basara的設計

聽日講軒猿、鉢屋眾、黑脛巾組、座頭眾、世鬼眾、武田「三者」等等之後, 就進入忍術環節

想職忍術