啱先老母覺得家姐條仔好小家

就算請哂成家人食 你老母要入佢是但搵其他野都可以話佢

要自動波拎去埋單啦

感覺似係
樓主老母覺得條仔夾埋自己果份呢個行為係落左自己面，好似覺得樓主老母一餐飯都請唔起咁。

不過講真，亞洲人呢方面係咁。有好多野都多重標準。

有大食大黎食飯唔出錢因間又話奉旨唔比錢，男人老狗孤鬼寒。
堅持要請哂全部人因間又話睇你地一家唔起，主次不分。
淨係比自己果份又話小家，好心一係請哂一係一蚊唔好比。
好啦唔好煩唔黎join你地呢d家庭飯局，又話人大牌請都唔黎。

結論
老人家心裡面一早有哂睇法。
鐘意既做乜都岩，唔鐘意既做乜都錯。

建議
好心叫你家姐探下口風先，伯母既然一開始就唔想見到呢條友，咁叫得佢黎就點都只會有反效果。
要見家長呢d普普通通下晝時間上去，帶少少野，食飯時間前一兩個鐘自動自覺閃人，一來唔洗吹水吹到冇野吹尷尷尬尬咁。
二來兩老冇主動留人食飯都知咩事，唔洗勉強大家食餐辛苦飯。

食飯文化係華人社會係一樣好撚麻鳩柒煩既野黎。
唔好話要比錢果d
就咁食餐住家飯。有冇叫人，幫人夾餸斟酒，渣筷子手勢，食有骨既野d骨點處理，邊d餸應該食多d邊d應該食少d,食緊果時應唔應該講野，應該講d咩話題。
真係要執既十鳩幾樣野可以執。
如果伯母係唔鐘意條友既，一定揾到d野去屌佢。

我唔覺得條仔夾返自己錢有問題喎。淨係講錢嘅角度黎講：

樓主全家都知佢收入唔高，佢都出黎同你家姐慶生，再畀返自己能力下嘅費用，咁都有問題？
佢唔係唔畀喎，只係冇能力請你地全家食好野，轉間頹食佢畀得起嘅 (eg 譚仔好冇？)我唔覺得佢唔會自己請。

由人性角度黎講，樓主同其母本身就唔欣賞呢個搵錢小嘅男仔，唔係點會開post公審佢，衰D講結到婚係你姐夫，不如睇下自己人格有冇問題，對人有冇偏見先？

個個都話老母白鴿眼
你話人工30k對50k都仲好少少
而家講緊15k 對50k wor
如果個女仔係你屋企人
你都想佢嫁得好d啦
有幾多人真係真心唔介意自己個女/家姐/細妹要養返個男仔轉頭

咁你要討論麵包嘅問題而唔係感情問題嘅話 男人只要低人工過個女就咩都end topic

香港地做男人真係好撚慘

人地50K一個月 當洗費20K 一個月儲30K

你15K一個月 當洗費10K 一個月5K

人地做一個月等如你六個月
價值根本就唔撚同

難聽講句憑乜?

我重申

你要討論麵包嘅問題而唔係感情問題嘅話 男人只要低人工過個女就咩都end topic

你個價值都建基於錢上 有咩好講 只要條仔人工升得唔夠快唔夠多 短期內升唔到近個女嘅 畀你地覺得就係養唔起條女 你要入條仔大把位啦 低條女人工一蚊都係低添 眼中只有錢

我都唔知你地討論個位係錢定人格了~至少我覺得樓主條仔個價值唔係用人工計

你要淨係愛情
唔該就唔好介紹埋俾屋企人識
連入屋都冇資格

屋企人想自己個女好 就一定係睇麵包
又想入屋又俾唔到麵包
梗係樣樣都唔順眼

你要入屋自然要做好自己等人接受
你夠高傲唔想死狗
索性唔撚理佢屋企人 咁我就欣賞你

而唔係俾個冇將來既PACKAGE人睇
然後係到怨人睇唔起你
人地唔係你老母冇必要呵護你

震你老母？

唔明點解咁多負評，
同長輩食飯唔識主動搶比錢真係好肉酸。

小家鬥小家

錯落了的期望 但又耿耿於懷

50k vs 15k
呢獲好難唔撐你老母

將心比己
你第時有個女都唔想佢咁辛苦啦
條仔仲要多數冇樓又冇父幹嗰啲黎
咪又係遲早分手/離婚
使咩俾面條仔

宜家人地老母用緊一餐千二銀嘅飯去度人喎 咁中意睇錢叫個女散左去溝個富一代囉 有錢又見得人啦 窮得得返錢

我唔覺得個男仔冇做唔好自己 你地有得針個位都係人工低同佢冇請晒 甚至你地係迫人負擔一個你知道佢負擔唔到價值 叫人去衝大頭鬼 叻啊

將來個package都唔會宜家見到 就算講出黎有幾腳踏實地 你地都可以講佢打飛機 根本攞黎講

根本用左買走你個女嘅諗法諗野 咩年代啊? 娶返去做妹仔啊?

岩啊 人地冇必要呵護人地條仔啊 但我知咩叫尊重囉 即管宜家狗眼看人低囉

應該搵我

800K 55

其實呢我又唔係覺得老母啱
不過事實係咁
你唔可能要個外人無條件接受你

根本未係時候見家長 夾硬出現係攪到雙方(男同老母)都唔開心 磨心(女)亦唔見得會舒服

其實如果人地都睇唔起佢 何必強迫出席
出席既話人地實有位抽秤

做返個MAN D既人
調整下心態 佢屋企人睇佢唔起
佢當佢屋企人係一督屎就得
唔洗強迫自己一定要被接受

人地見到你都唔高興 仲想人尊重你
唔想俾人侮辱咪唔好出現
暫時黎講對雙方都係好
大家唔洗辛苦做戲

唔出席都係會奶野搵位入你

「點做人男朋友 我個女生日飯都唔黎 賺雞碎咁多係到扮忙」

唔洗睇面色 唔洗蝕幾舊俾佢

心態係你識做我就識做
你唔識做既唔好怪我唔識做

總之你個女我就啅硬
呀伯母你咁唔滿意既
我亦唔會尊重你
少少甜頭都唔洗旨意有
當世界少個人

做男人唔該係要拎返主動權
教育下D伯母要佢地識做
而唔係自己去迎合既伯母
就算俾你迎合到 成功娶埋佢個女
最後下半世都係俾人奴役住咁過

唔該做好自己 俾D傲氣出黎
而唔係自己送上門俾人睇唔起
仲要覺得人要俾面你
怨人唔尊重你

對付呢D伯母淨係得反面一個選擇

你愈送上門佢愈侮辱你咋

要俾佢FEEL到其實你都唔係好想應酬佢
佢打俾你你唔好聽電話之類
要佢感覺到「真荒謬把自己看得那麼高」
用時間黎降一降佢自尊心
先有得攪

唔出席都係要個女朋友做磨心
樓主老母日日都催眠洗腦
係唔鍾意就唔鍾意
就算退一步 出席 又會搵百樣野插你
到你請埋食四季送埋禮 都總會搵位入你
竹門對竹門
木門對木門

咁要睇條女點心態
大可以做到老母一講個男仔唔好
就唔睬佢老母幾日

同呢D人講道理冇用
好似教狗咁教就啱
到佢驚個女嬲就自然收嗲