到底情侣之間有共同興趣重唔重要

個人對新事物既接受程度都係關鍵黎既
如果你自問鐘意學新野 自然對方鐘意既野你都會有心去了解 冇咁反感 時間耐左甚至會鐘意
但如果你接受程度唔高 咁就真係好難追求共同興趣 至少你單方面好難就到佢
睇你性格啦 共同興趣有時真係逼唔黎架

唔重要
平時兩個on99咁坐係到睇下連登訓下教睇下戲咁 都好開心 唔需要係咁講野 寧靜之餘又唔尷尬 感覺好舒服
同埋得閒陪下對方做佢平時會做既野 唔洗話為咩興趣而做 好似買下餸咁 一齊過下生活
只要係一齊就好開心架啦

一定重要

同女朋友都一齊咗三四年，佢份人冇咩興趣嗜好，平時睇下youtube，玩下電腦電話hea時間。

同佢一齊都係食同訓，出街行多陣就叫攰，一齊做運動更加冇可能。

我就有樣嗜好都keep咁八、九年，我都仲好有心機想去做好佢，但拍拖呢段時令我少咗好多時間放落呢樣嗜好度。

成日同佢鳩hea浪費咗好多時間，就算我喺佢隔離，去做呢樣嗜好都話我唔理佢，跟住黑我面，但我真係好需要時間去練習先會有進步，我都唔知要點同佢走落去。