細價/財技股學術認真狗噏區

開左account咁耐一直冇蒲過頭, 見呢排個市跌左唔少既情況, 而出面又有好多因為錢而好sad既post, 搞到想開個post當share下自己投資少少心得

唔知你地點睇投資/投機, 但作為一個公屋長大, 細個連午餐都要計住黎食既情況, 到而家學到呢類知識而幫到/幫緊 我脫貧, 分享出黎希望幫到大家少少手, 因為錢鬆動少少既情況下人真係會開心好多好多.

財經台好少人真係深入交流/討論財技股, 自己玩過財技股一段時間, 用左唔少時間去研究, 而又真係有少少斬穫 (過去一年捕捉到升幅超過3倍既股票不下5隻), 趁呢排有時間分享一下自己對財技股既睇法, 亦都希望有巴絲如果有心了解財技股, 可以對一般人所講既老千股有多少少認識, 當打獵咁得閒有斬獲。 如果你已經識財技歡迎交流 (以前高登都有唔少高手, 唔知係咪上晒岸冇晒人。 但係好似咩溫總之流就笑下算啦) 下面分享呢堆野, 出面既一般教學班起碼都要五位數學費先會教, 而就咁睇書係唔會明 (行規約定俗成係要寫到讀者睇唔明, 點解? 你懂的)

無啦啦做乜_分享, 係咪想幫老細/莊家散貨?
我都想有老細…我寫文原則係自由意志, 我唔識莊家, 亦都冇老細, 只寫自己相信既事。只講一次, 唔信請禁上一頁走人。分享係一黎係我已經係1/10000000上岸既狀態, 而家基本上唔需要靠細價股搵食, 只係當得閒打獵或者考下自己眼光 (我第一桶金的確係細價股搵到, 之後將大部分錢轉去大價股, 之後再將資金玩過一輪外地樓, 而家部分去左玩加密貨幣), 二黎係我以前遇到一個好既前輩教, 等我走少好多路, 係投資人路上遇到好人唔容易, 如果我既分享幫到你 (雖然應該都冇人會花時間睇千字文sosad), 希望你將來搵到食既時候都幫下人。

細價財技股咪即係妖股/老千引人落搭?
相信對於玩左股票耐既朋友都會有呢種感覺, 不過係我認識既高手入面, 冇一個會定義一隻股票做妖股。股票只係其中一種投資工具, 唔理你係大細股細價炒, 甚至向下炒都好, 幫你賺到錢既就係好股票, 我地唔會區分佢係咪妖股. 講到底, 關鍵係人, 如果你有能力睇得出莊家部署, 妖股唔會存在 (你反而會見到一大班蠢人存在).
不過退一步講, 無論你自問技術幾好能力幾高, 玩細價股一定一定一定要更加做好控制注碼. 市場上咩都有機會發生, 而玩細價股既注碼, 係最好細到就算你輸晒你都接受到既程度。 換句話講, 要當有機會會輸晒咁既心態去玩。如果真係覺得風險太大, 最好唔好落場。

會唔會提供number?
主要係學術交流, 當然好多時都要case study, 少不了會提到number. 但講明係唔會有買賣建議. 如果各位問到, 我只會講我對果隻股票既睇法 / 我有冇持有 (多數冇, 大部分錢係樓同crypto), 而唔會比買賣建議

你咩料? 做咩要信你?
唔洗信我, 信你自己。股場上最忌就係100%信晒人, 就算你識個莊家, 佢同你講佢隻股聽日會炒高7成, 你係咪聽日就全副身家隊入去? 投資要有個人判斷, 記得80/20, 唔好人云亦云。我只係一個玩左一段時間財技肢而又叫做有少少收穫既人。

講廢話都講左成千幾字, 開始入正題。 (補充一句, 真係唔知自己之後有冇時間一直講落去, 因為我而家係quit左之前份工, 而家又未到新公司on board日期先比較多時間, 如果講講下唔見左人唔好見怪)

財技可以分為供, 拆, 合, 配, 全購, 送紅股, 向下炒, 重組, 殼股, 拆+配。 咩叫財技股? 一句講晒, 想小股東死既股票, 就係財技股。
我會遂個講班莊點樣用唔同財技去整死小股東(偷錢), 而我地又可以點做。
下次會先講財技股要睇邊幾項重點。

留明

香港股市裡面唯一吸引既就係彩技股

會用咩ta or 成交量？

財技股

岩岩學緊財技，咩都唔識，都係睇左兩三本書

好多時啲實例針對一隻講我都理解到，到我自己要係咁多隻搵異動就對我呢啲新手好難，有冇咩建議可以容易啲上手？

留名學野

勁喎，識睇手影搵到錢

lm

窮撚 無從入手 留名支持

留名學野

1069呢排陰升緊

細股開名只會大家都無得玩

愈少人知愈好

教咁多人做乜

主菜一定係睇CCASS
睇股權分佈
睇莊家財力 玩財技經驗
睇大利市盤路 估心理
睇財技(供合拆送改)估莊家背後目的
TA只適用於多散戶出出入入d股 莊家股由莊家操控個價上落 睇TA輸死

我都想儲返第一桶金
要幾錢做起

睇ccass
睇基本盤路
呢類我諗師奶都識了
而且多左炒股直播
變左多左格仔黨 影響左預定計劃
再加上證監會一連串行動
所以難玩左好多 少玩為妙

支持下 不過都係無人知先炒得起

YS 殼就話多D人都無所謂

其他財技教人即係搞到自己無得玩

呢隻我勸你咪掂

配股配死你

你係財技POST問呢D ??

財技POST只睇動作架je.....

一開始最好/追步得最快既方法，就係搵一隻財技股做一個完整既case study，即係由佢股價異動果日，上披露易睇返佢前前後後/當日發生咩事；一方面對住股價圖，一方面對住佢既news （出現既人物都要search埋）, 由未升，到爆升，到爆破，跟住個timeline去睇。一開始睇係會好麻煩，可能真係要用幾個鐘，但係睇多幾個就會發現愈黎愈易捉到路