其實點解香港人唔抵得人叻

唔知大家有冇試過考得成績好好 你考得越好越唔敢同人分享
因為同完人講佢哋一定會係用好酸嘅語氣講：「叻啦 唔識人啦」 「知你勁啦」
最大鑊係佢哋其中一個考得好差 你就講咩都係串佢 呼吸都係罪
講真 我努力温書有好成績 點解要搞到我係仆街仔咁
我知佢哋未必係有惡意 但聽落真係好唔舒服
作為朋友點解唔可以正面啲 鄧人開心
辛苦咗四年終於有First Hon淨係可以同屋企人講

憎人富貴厭人貧咁上下 所以中庸好緊要

好反智

因為會有人同你一樣努力甚至比你努力，但佢都係得third hon

因為由細到大都比屋企人話睇下呀邊個邊個叻你幾多 大個咪會憎班叻人

逢紅必反你估流架？

全世界都係咁

無啦啦同人講考成點做乜

所以就怨人哋叻過你?

所以樓主上黎分享比大家聽佢first hon


First hon 唔係會係本書度寫你個名？全世界都知啦

唔係認唔認真 係一講呢啲個氣氛會好怪

通常見d人係扮廢 點知佢係拎高分

咁都要顧對方感受
如果你同唔太叻嘅人講自己叻 人地都會唔識點反應 讚返你轉頭又好似踩緊自己咁 但唔讚你又好似好小器咁
所以就算拎到好成績 低調啲大家都無咁尷尬

因為人地會覺得你曬命
因為人地成績一般或者差已經唔開心, 仲要應酬你呢啲"叻人"
你想同朋友"SHARE"咪又係炫耀, 想人讚下你, 想人羡慕你

點解個心態要係咁消極
好多時候有啲朋友表現得好過我
咁佢講出嚟我唔會覺得佢係曬命
我都係真心讚佢叻 同佢學嘢

你積極唔代表人地要跟你果套
你又可唔可以顧及下人地嘅消極? 曬少陣命?
硬要人地跟你一齊積極唔係好自私?
諗法呢啲野冇得逼, 唔鐘意人地曬命就唔鐘意架啦
唔通你要佢地格硬假笑祝福你?

寒暄兩句洗唔洗咁認真

心胸狹窄可以解釋晒

幾十年香港人一直高高在上
時代變遷 優越感依舊傳承下去
總有d可悲既人

樓豬有First Hon好叻叻豬呀

因為香港地同一資歷 差唔多背景

但待遇卻大不同

當你知道既時候

會有種感覺屌憑咩，但又改變唔到

心態開始越走越錯