，由於啲人叫我煮多啲野食，我試試！想睇片去我ig story有片睇！我唔識up片
煮野食個過程太快，我一條友拍埋唔係好搞得掂，所以啲相同片唔太靚唔好鬧我。。。
今日煮依個日式炒烏冬係一個好好嘅食譜比大家知點”炒麵”，啲人成日以為炒就真係乾炒，其實好多都要用啲材料一步一步咁整個湯出黎，再等啲麵吸曬啲汁，最尾收乾汁就變成乾身嘅炒麵。依種煮法你轉一轉材料同麵，就可以變第款炒麵！
柴魚湯就一定要有，菜個到隨便轉你想食嘅，我自己鍾意唔同顏色嘅菜一齊炒會靚啲，但全部份量都唔好太多，主角係個烏冬！
材料：
洋蔥 1/3個
紅椒 黃椒 各 1/4個
西籣花 一細棵(張圖有10粒小西籣花到)
菇 3粒(我用冬菇,其實用咩菇都得)
連皮雞扒 十半塊(我用雞上脾自己去骨)
急凍烏冬 一個
調味：
柴魚湯(我買粉開熱水）
豉油 自己試味
米酒 1湯匙
糖 自己試味
黑胡椒 自己試味
做法：
1.備料
處理好曬啲菜先，洗乾淨，洋蔥逆紋盡量切簿啲，紅黃椒切絲，西籣花切細細棵，用滾水煮15秒，隔水放係凍水備用，菇切片。
雞肉去皮，肉大細隨你(唔好太薄會冇口感)。
柴魚湯粉開熱水，份量正常一碗飯碗咁多到，有多好過唔夠，個味開到少少咸就可以。
2.炒香材料煮湯
中大火唔駛落油煎雞皮迫啲雞油出黎。
洋蔥同菇炒至軟身，落紅黃椒炒一陣跟住落米酒，啲米酒蒸發左7-8成就落豉油炒一陣(你會聞到豉油啲香味,依啲就係鑊氣)，落埋柴魚湯,糖,黑胡椒同雞肉(冚過雞肉一半就夠)，等個湯滾同試味。
3.煮烏冬同收汁
個湯滾左，夾開中間啲料放個烏冬落去，如果啲湯冚唔過個麵一半就落多少少，煮一陣反一反個麵煮埋另一面，啲雞肉都反一反佢。
個烏冬差唔多得(7成熟)就搞散佢，開大火收乾啲汁，掉左塊雞皮，同時落埋西蘭花，用啲烏冬冚住佢地煮一陣(烏冬既熱力會令到啲菜好快熟)。
一路用筷子炒個烏冬，差唔多冇曬汁就搞掂！上左蹀再落少少黑胡椒。
其實成個過程好快，所以唔係煮開野嘅人備好曬料先，同埋湯嘅分量最理想就係個烏冬熟個時岩岩好收曬汁，煮多幾次就會掌握到。
行きます！！！
Ig:https://www.instagram.com/hkfoodghost
