自己由漫畫入坑，覺得好好睇
極速追晒漫畫，之後文庫版，最後追埋web版 (之後會再講有乜分別)
所以決定開個post推廣下
唔知呢度有幾多人睇，為左唔好劇透希望大家小心啲，如果真係好多人想傾可能開多個post講劇情
===================
簡介：
某日，日本高中某班級“唔知點解“爆炸，全個班嘅人都炸死左， “唔知點解“轉生左去某個異世界。
咁女主角都喺個班房，一樣炸死左轉生，但係 “唔知點解“轉左做隻蜘蛛魔物，仲要係嗰個世界魔物入面差唔多最廢嘅。主角(通稱蜘蛛子)一出世就要為生存奮戰……
有咩好睇：
1. 戰鬥(戰術)
蜘蛛子轉生做嘅魔物雖然廢，但係都有特長：絲同毒。
加上蜘蛛子嘅智慧，不斷靠各種神戰術同計策，打敗各種本應贏唔到嘅對手。
有啲hunter用腦戰鬥嘅感覺
2. 伏筆 (呢點漫畫版暫時唔多適用，之後會講)
上面所有 “唔知點解“ 其實後來都會有解釋。唔係為兜而兜，夾硬解釋，而係作者一早設定好晒，仲好用心咁隱藏部分重點，亦會加上適量伏筆/疑點，等觀眾可以一路睇一路估。
當然，你都可以放棄思考，直接等劇情開估。就算係咁，到開完估，你知道多左之後，用另一個角度諗返/睇返之前嘅劇情就會有另一返風味。
3. 搞笑 / 多neta
因為蜘蛛子本身嘅性格 (懶好笑自言自語，吐槽，成日得意忘形), 另到本來嚴肅嘅劇情間唔中會爆出笑點。漫畫仲加上埋可愛嘅畫風，另成件事多左份喜感。
=================
之後再講下各個版本嘅分別
(待續……
