我嘅容祖兒三甲一定係借過 出賣 罪魁
《借過》份詞真係完全入肉入肺
,
《出賣》以前其實對呢首歌冇咩太大感覺,
就算佢偶然唱過一兩次live都始終覺得佢以前未唱到呢首歌個種力度同怨恨嘅感情出嚟,
但係my secret live個次唱先真正幫呢首歌平反咗,
現場聽比隔住個螢幕睇dvd bluray更加震撼,
完全想像唔到佢到底經歷咗幾多先可以演繹到呢首歌嘅怨恨出嚟
《罪魁》其實好歌嚟,不過冇乜人識
如果佢認認真真咁演繹一次,絕對會做到MSL《最後的茱麗葉》個種效果
發覺佢呢幾年唱live真係更加投入感情,
好似舊年佢同軒仔個show咁,就算係唱返心淡 痛愛呢啲唱到爛哂嘅歌都咁入肉入肺
覺得佢真係經歷得多咗,先演繹得佢嘅歌更加好
下年演唱會唔想見到佢又笑笑口握住手咁唱啲慘歌