![](http://i.imgur.com/6PkMq7F.png)
G.E.M.(鄧紫棋) 接受蘋果獨家專訪。對「宇宙巨漿」、「時裝災難」呢啲花名有乜睇法?佢話:「心情好嘅時候一齊笑,嗰排比較忙或攰會覺得好煩。」最唔鍾意邊個花名?佢坦言:「最唔鍾意個漿字,因為漿同G.E.M.讀音都唔同。」
鍾唔鍾意返香港?呢兩年網友咁多批評有乜感受?G.E.M.坦言:「其實我成日都返香港,聽到呢啲聲音都唔開心,原因唔係啲人成日話你唔好返嚟香港,唔開心係我好重視我喺呢度歌迷,我好重視香港呢個地方。」
多年嚟喺內地發展,問到佢點睇藝人被批評為賺人仔跪低,喺內地節目飲尿?G.E.M.愕然:「有啲咁嘅事?點解嘅,咁勁,咁我又唔得喎!乜嘢節目呀?咁搞笑,你又唔可以斬釘截鐵地因為佢做呢樣嘢係為錢,之前都有節目要我跳笨豬跳,我係畏高嘅,但我都有跳咗,唔係因為節目畀幾多酬勞
![](https://cdn.lihkg.com/assets/faces/normal/clown.gif)
專訪中講到紀錄片內重提前度林宥嘉,怕唔怕畀人話消費舊情?G.E.M.坦言:「其實都唔會驚別人點講,因為呢部紀錄片一年前半拍完,只要你知道唔係,唔需特別證明畀人睇,呢套電影記載生命裏面影響我幾深嘅經歷,所以冇刻意避開邊一個部份。我冇好多段感情,一隻手都數得晒,五次之內。」
林宥嘉同丁文琪結咗婚,會唔會祝福佢?G.E.M.笑住話:「會祝福佢,祝福佢哋生活愉快。」唔再恨佢?佢表示:「時間會令你慢慢消化一啲嘢,當你再回望,覺得人與人之間關係有開心同唔開心時候,呢一刻問我就已經冇嘢嘞,好健康快樂。」
分手後有冇再拍拖?佢拒答:「呢個就係我呢段關係學到嘅嘢,以後都唔講有冇拍拖,直到我結婚,因為喺一段關係入面,如果要承受外界壓力,本身你可以自由自在經營一段關係,突然之間變咗兩個一齊抵抗環境畀你嘅壓力,其實會嘥咗好多精力,我學到就係有咁低調得咁低調。」問到擇偶條件有冇變?佢話:「其實我冇擇偶條件,佢嘅價值觀要同我近,我嘅價值觀絕大部份建立喺我嘅信仰上面,簡單啲講,如果我嘅另一半同我係同一信仰,咁件事簡單好多。」
AppleDaily Link:
http://hk.apple.nextmedia.com/enews/realtime/20170111/56156038
http://hk.apple.nextmedia.com/enews/realtime/20170111/56156532
![](http://vignette2.wikia.nocookie.net/evchk/images/5/53/Untitled-GEM.jpg/revision/latest?cb=20091119162009)