一人講幾個老母為左要你比家用宜做過令你唔開心既事

小數好好既窮父母 又唔一定要收你家用

結埋婚有自己屋企，老母成日打黎追家用
頂你，講好左幫細佬交大學學費果兩皮幾唔係當prepaid左黎緊半年既家用咩
好啦，話學生資助味回返黎，借住比佢睇醫生開飯wo

借完唔夠半個月又借，跟住我唔L借，要留錢買樓，亦無希望係會還，於是老母搬灑出世到而家養到我咁大，話我幾反骨不孝，買遲一陣會死咩，個樓巿就跌，股巿升咪賺返比你囉

唔認我做女，唔聽我電話，結果耳根清淨左成幾個月，母親節話請佢食飯先下左道氣

之後，佢問借，我只計prepaid家用，頂盡pre足一年，家用外既我唔會比，仲有比百佳惠康券佢當家用

最新一單竟然踩上我屋企講細佬抽居屋，無錢比首期到時你可唔可以比，你唔係唔知我地岩岩先清袋買完，那有錢 又唔見你話幫我上車，又講我自私

利申：
我讀書係拎政府資助，從無零用錢，中六七補習費及大學生活費係自己搵自己駛

去exchange借grant loan加pt ，放左4千蚊係電腦台面講明機票錢，點知比佢唔聲唔聲拎左去話借，無回頭...我係u打工賺起岩岩好咋，飛之前問佢拎返，屌鳩我唔比家用，仆街我走堂返工賺返黎ga

比完家用，無返去食飯，無份享用，我地話返都叫我地唔好返唔想煮

講多件事
又係勁撚嬲
我老母貪錢既程度係好撚勁
我讀緊初中嗰陣已經叫我簡理科
點解呀
因為讀理科可以做男護
起薪點有20K
咁就可以比一半10K做家用
真係貪錢到痴撚線
讀緊中學既我已經講定話要比幾多家用
好彩後來慢慢發現原來自己好驚血
所以就無去讀理科

所以話
窮人生仔正仆街

正常家庭生仔
應該係等啲仔女大咗一個仙家用都唔使俾都冇問題

仔女俾家用應該係自願同出於孝心
唔應該攞黎做經濟支柱

父母話唔洗仔女比家用
仔女願意比家用父母
最後大家有商有量搵個中間位
咁先係最好

我有個fd 單嘢好痴線
佢老豆拎左佢張卡去現金透支
我個fd 本身又唔知
之後利息加利息滾到好大
到爆煲先知仆街
中間又有N 次借左錢叫個女幫佢還
我fd 計返條數發現十年來搞呢d 嘢搞左佢過百萬
佢屋企人重要唔信佢有俾到成百萬嘅能力
覺得邊有俾咁多

講多一樣野
我都好撚憎我老母攞我同人比較
又話咩人地比曬成份糧做家用呀
仲試過CAP埋對話圖比我睇
其實我都唔撚明我老母
係咪比多啲起人地面前就係威啲
明明佢自己份糧每個月至小都有40K
點撚解都要窮追猛打我嗰幾千蚊呢

呢種情況狠心啲就得，一蚊都唔撚俾，同老母講你咪撚煮我飯，屋我就唔住喇以後都唔返
寧願出去自己捱好過受人氣

睇完法國我老母好好

想問下搬咗出嚟同未婚妻住，無小朋友，
月入30k，但係儲緊首期，咁應該要俾幾多家用？

講多兩件事
又係勁撚on9
試過為左家用叫我去申請綜援比佢
因為嗰期失業未揾到野做
又試過叫我番份辛苦啲既工話人工高
我即刻屌鳩佢唔好乜都向錢看先為左家用推我去死
我只會做開心同舒服既工

呢個真心痴西線

我個個月俾家用我媽都會同我講多謝

利申：公屋撚

係依個post睇到大多數都係老母逼仔女比家用
都見識到幾咁痴線

死啦..好驚第時啊媽變成咁

你即刻cap 番你d friend 既對話比佢睇，話人地父母幫佢比首期

女朋友父母一早分開左 佢爸爸有另一個家庭
但係年年大家都會一齊去女朋友嫲嫲度拜年
上年新年前有一日 佢老母無啦啦打比佢
叫佢買隻勞比佢帶下 就算係幾萬蚊10萬蚊嗰啲都好
反正啲錶會升值
話要比佢前夫個老婆睇下

我女朋友say no 比佢老母電話轟炸左成日
又喊又剩
又話情緒病發作要我女朋友俾錢睇醫生

之後過咗幾個月 又因為錢同我女朋友嗌交
我女朋友終於忍唔住同佢講自只係一個普通打工仔 雖然人工係比同輩多 但係真係好辛苦 好大壓力 叫佢唔好再當佢係提款機

之後佢老母即刻大發雷霆 話佢唔好覺得佢阿媽係一個好貪錢嘅人
話自己唔需要啲物質只需要安全感
又話之前話要買隻錶都只不過係係咁意講吓

我女朋友問左好耐乜嘢係安全感
佢死死地氣先至話我女朋友出咗嚟做嘢幾年
搵到錢都冇放一舊錢係佢度
叫佢慢慢洗

真係好撚痴線

有錢就有安全感
你問下Auntie有樓係咪有埋高潮

仆街啲講
世伯同佢離婚都正常
開口埋口撻情緒病
你女朋友重肯理佢真係好脾氣

我女朋友都唔係好脾氣架 有時頂唔順都會鬧翻佢
不過佢真係好孝順

佢老母講到好似要成份糧拎出黎全家洗先叫唔自私
一日到黑話我女朋友讀書時間長 用屋企錢多過人
話其中一個仔中三已經冇讀書 有返工養家
但係我女朋友十五歲已經返part time 屋企都冇咩比過好生活佢
之後佢其個中三出黎做野佬爛賭差出面街數 女朋友借左十幾萬比佢
另一個細佬就讀讀下大學既時候 女朋友老母同個男人拍拖搬出去住 掉低仔女 水電煤租乜都唔交 要個女同讀緊大學嘅細佬share生活費 所以女朋友就話佢出住先 細佬出嚟做嘢先還返部份俾佢 但係食飯買家庭用品好多時都冇收佢錢 計計埋埋佢細佬爭佢都大概十萬到

冇幾耐佢老母同條仔分咗手 搬返返嚟住
係咁同我女朋友講話自己一個咩起頭家好辛苦
我女朋友啲細佬每個月還$5000俾佢
佢老母知道之後鬧佢點解要咁樣同細佬計
又話佢自己係人阿媽應該負擔返個仔讀緊書啲生活費讀緊書啲生活費
但係又轉個頭問我女朋友攞10幾萬要安全感
咁咪即係羊毛出在羊身上
根本就係想叫我女朋友唔好拎返啲錢

成日話啲咩一個好要帶歇全家
個重點係我女朋友得幾十萬 對比而家樓價根本都唔係叫咩錢 一個人想有將來 又已經比足家用 自己儲錢都要比人話自私

後來我叫女朋友搬出黎同我住
佢老母竟然成日話佢冇本心掉低阿媽自己一個

好明顯你女朋友阿媽係重男輕女啦
所以你女朋友其實點對佢好都係無用

把口話唔洗你咁快比家用

然後日日係度話窮 話爭人錢 為錢嘈

依加我用成世幫你地還債, 再還埋爭你地既都有野, 得未呀仆街

貧賤夫妻百事哀

依句非常好, 講真見到自己父母咁, 已經睇透曬結婚, 建立一個家庭既醜惡

所謂既夫妻關係, 一個家庭既關係, 單單為咗一個錢字, 就咁被破壞, 兩個人都仲認為自己完全冇錯

婚姻 真係一樣好噁心既野

睇到呢個post心理平衡返好多，原來唔係得我一個老豆老母甘衰格

細個屋企做生意，有啲錢，小一前跟呀麻住（因老豆老母要開鋪，冇時間湊）小一又冇啦啦比雙親接返去，跟住小二小三又扔返比呀麻，小四至六又比佢地接返去，好似踢波甘...到我16歲個年家道中落。我呀媽列左一張供養我既開支清單，佢表明就算我考成點都冇錢再供養我讀上去。另外，因為佢地要申請綜援，要將我個名由家庭成員撇除（因為我冇得讀就要出黎做野，綜援既錢會少左），同時要求我搬走。

之後搬左去呀麻度，因為會考都冇分，開頭幾年都只能做洗頭，老豆老母一直冇聯絡過我。到我後來自修重考，轉左返寫字樓，佢地知道後就開始聯絡我，問我拎錢，覺得我應該比家用，但我冇比，因為人工唔多，我仲要比家用呀麻，所以佢地都冇再聯絡我。

而家我都30了，叫做有點積蓄，我呀麻年事已高，佢怕有咩事我會冇地方住，迫我老豆同我申請公屋，因為填入息個度比老豆老母知道左我有積蓄，從此不得安寧，前排呀媽聯絡我，問我拎一萬蚊急用，話當係報答佢地幾十年前既養育之恩，甘我過左6千比佢，佢話會還，我都冇預佢地還了（因為佢地問哂全部親戚借過既錢都冇還）

前幾日到我老豆問我攞錢，我話冇錢了比左呀媽，跟住佢話「係咩一回事？！呀媽話你淨係比左6千佢！」言下之意，覺得我比得少。

我想講，咩養育之恩，咩血濃於水，咩生我出黎好應該報答佢地？如果可以，我都想佢地塞返我入個肚度，唔想出世，唔想係呢個世界捱，又冇人理。

我老豆老母只係須要攞錢先搵我。我以前成日鑽牛角尖，我做左咩錯事要甘對我，我前世係咪殺人犯....今日睇到呢個post先知原來好多老豆老母都係甘衰，唉